មេធាវីនឹងពិភាក្សាជាមួយ លោក កឹម សុខា ដើម្បីសុំការពន្យល់ពីបម្រាមមិនឲ្យធ្វើនយោបាយ
លោក ផែង ហេង សហមេធាវីការពារក្ដីឲ្យលោក កឹម សុខា បានថ្លែងប្រាប់វិទ្យុបារាំងអន្ដរជាតិ RFI នាថ្ងៃព្រហស្បតិ៍ ទី១៤វិច្ឆិកានេះថា ខ្លួននឹងពិភាក្សាជាមួយកូនក្ដីរបស់ខ្លួន ដើម្បីស្វែងរកការពន្យល់ពីបម្រាបរបស់តុលាការ ដែលហាមលោក កឹម សុខា មិនឲ្យធ្វើសកម្មភាពនយោបាយ។ បើតាមលោក ផែង ហេង ក្រុមមេធាវីនិងលោក កឹម សុខា ខ្លួនឯង រហូតមកទល់ពេលនេះ នៅតែស្រពេចស្រពិលនៅឡើយ ចំពោះវិសាលភាពនៃបម្រាមរបស់តុលាការ ដោយចោទសួរថា បើលោក កឹម សុខា ចេញជួបប្រជាពលរដ្ឋ ហើយមានការស្រែកគាំទ្រ ឬអបអរសាទរ តើជាទង្វើដែលខុសនឹងបំរាមរបស់តុលាការដែរឬទេ?
ចុះផ្សាយនៅថ្ងៃ៖
សូមស្ដាប់ប្រសាសន៍ លោកមេធាវី ផែង ហេង ដែលជាការរៀបចំជូនដោយវ៉ា សំណព្វ៖
ជុំវិញភាពស្រពេចស្រពិលនៃបម្រាមរបស់តុលាការចំពោះលោក កឹម សុខា នេះ លោក ជិន ម៉ាលីន អ្នកនាំពាក្យក្រសួងយុត្តិធម៌ ធ្លាប់បានពន្យល់ថា លោក កឹម សុខា អាចជួបគ្រប់អ្នកនយោបាយ និងសហការីរបស់លោកពីមុនៗមក ហើយក៏អាចចុះទៅជួបប្រជាពលរដ្ឋបានផងដែរ។ ប៉ុន្តែលោកបានសង្កត់ធ្ងន់ថា រាល់ជំនួបទាំងនោះ មិនត្រូវនិយាយ ឬធ្វើសកម្មភាពនយោបាយនោះឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ