យុវវិចិត្រករគំនូរឌីជីតាល់ «ក្រុមខ្ជិល» ក៏ខ្ជិលដែរ តែមានវិជ្ជាជីវៈ
ចុះផ្សាយនៅថ្ងៃ៖
ស្តាប់ - ០៧:២១
ខុសពីភាពខ្ជិលទូទៅ ដែលតែងរងការរិះគន់ថា ជាទម្លាប់មិនល្អ យុវវិចិត្រករគំនូរ ក្នុងក្រុមខ្ជិល ចំនួនប្រាំរូប បានព្យាយាមកែប្រែពាក្យខ្ជិល អោយទៅជាសិល្បៈគំនូរឌីជីតាល់បែបច្នៃប្រឌិតមួយ យ៉ាងពិសេសប្លែកភ្នែក គួរអោយកោតសរសើរទៅវិញ។ ស្ថាបនិក និងសមាជិកក្រុមខ្ជិល ដែលអាយុចន្លោះពី ២០ឆ្នាំ ទៅ ២៥ឆ្នាំ កំពុងប្រើប្រាស់ បណ្តាញសង្គម ទំព័រហ្វេសប៊ុក មួយ [www.facebook.com/KJELcomic/] ដាក់ឈ្មោះ «ខ្ជិល» ដើម្បីផ្តល់សំណើច និងសាងភាពសប្បាយរីករាយ ដល់អ្នកគាំទ្ររបស់ខ្លួន តាមរយៈគំនូរ បង្កើតតួអង្គខ្ជិល។ តាំងពីដើមឆ្នាំ២០១៤ មក ក្រុមខ្ជិល មានរូបគំនូរខ្ជិល ចែកផ្សាយលើហ្វេសប៊ុក តែរដូវវិស្សមកាលសិក្សា អំឡុងខែសីហា ដល់ខែតុលា ប៉ុណ្ណោះព្រោះសមាជិកភាគច្រើនជាប់រវល់សិក្សា ប៉ុន្តែដោយសារសំណូមពរពីអ្នកគាំទ្រ ក្រុមខ្ជិល កំពុងពិចារណាគូរគំនូរ ផ្សាយម្តងម្កាល ក្នុងរដូវការបុណ្យទាន ឬកម្មវិធីសំខាន់ៗ ចាប់ពីបវេសនកាលឆ្នាំនេះតទៅ។
