លោកឆាយ សុផល៖ ការសសេរសៀវភៅដោយប្រើវិជ្ជាជីវៈសារព័ត៌មាន មានការទទួលស្គាល់ពីមហាជនច្រើន
ចុះផ្សាយនៅថ្ងៃ៖
ស្តាប់ - ០៨:១៥
លោកឆាយ សុផលអ្នកសារព័ត៌មានគឺជើងចាស់នៅកម្ពុជា ហើយបច្ចុប្បន្ននេះ លោកបានបោះពុម្ភសៀវភៅដោយខ្លួនឯងមិនតិចជាង៦ក្បាលនោះទេ។ហើយចុងក្រោយនេះ លោកទើបតែបោះពុម្ភសៀវភៅពីព្រះមហាក្សត្រកម្ពុជា។ ជាសៀវភៅដែលមានចំណងជើងថា អំណាច និងរាជបល្ល័ង្គនៃមហាក្សត្រខ្មែរសែ អង្គឌួង នរោត្តម ស៊ីសុវត្ថិ។ បច្ចុប្បន្នអតីតអ្នកសារព័ត៌មានរបស់រយទ័រ រូបនេះ បានបញ្ជាក់ថាមុខរបរសរសេសៀវភៅរបស់លោក លក់ដាច់កាក់កបគ្រាន់បើ និងមានការទទួលស្គាល់ពីស្នាដៃរបស់លោក។ ជាស្នាដៃដែលប្រើវិជ្ជាជីវៈជាង៣០ឆ្នាំមកសរសេរ។ ប៉ុន្តែលោកបានបញ្ជាក់ថា តម្រូវការនៃការអានសៀវភៅ ឬជាវសៀវភៅនៅមានតិចនៅឡើយ។ សូមស្តាប់បទយកការណ៍របស់ស៊ុន មេសា៖