អតីតនាយករដ្ឋមន្រ្តីកម្ពុជាលោក ប៉ែន សុវណ្ណ ពេលឈឺគ្មានទំាងប្រាក់ គ្មានទំាងសាច់ញាតិ
ចុះផ្សាយនៅថ្ងៃ៖
ស្តាប់ - ០៧:៥៥
ដូចដែលយើងដឹងហើយថា លោកប៉ែន សុវណ្ណអតីតនាយករដ្ឋមន្រ្តីកម្ពុជាក្រោយថ្ងៃ៧មករាឆ្នាំ១៩៧៩ កំពុងមានជំងឺធ្ងន់ធ្ងរ។ លោកប៉ែន សុវណ្ណ ដែលបច្ចុប្បន្នជាតំណាងរាស្រ្តគណបក្សសង្រ្គោះជាតិ បានស្លាប់មួយចំហៀងខ្លួន។ ក្រោយទទួលការព្យាបាលសង្រ្គោះបន្ទាន់នៅប្រទេសសឹង្ហបុរីប៉ុន្មានថ្ងៃមក ពេលនេះ លោកកំពុងបន្តព្យាបាលនៅក្នុងគ្លីនិចឯកជនក្នុងក្រុង ភ្នំពេញ។ បើទោះគាត់ធ្លាប់ធ្វើជានាយករដ្ឋមន្រ្តី តែលោកប៉ែន សុវណ្ណ គ្មានសល់ប្រាក់ ឬទ្រព្យធន់ឡើយ ។ថ្លៃព្យាបាលជំងឺលោក ប៉ែន សុវណ្ណ ទំាងស្រុកនៅពេលនេះ ពឹងលើគណបក្ស និងសប្បុរសជន។ គ្មានទ្រព្យលោកប៉ែន សុវណ្ណក៍គ្មានសាច់ញាតិ ប្រពន្ធកូន នៅជិតខ្លួនទៅទៀត។ តំណាងរាស្រ្តវ័យ៧៩ឆ្នាំរូបនេះ មានតែកូនចិញ្ចឹមម្នាក់គត់ដែលនៅជិតខ្លួនគាត់ និងមើលថែគាត់នៅពេលនេះ។