បទយកការណ៍
លោកបណ្ឌិត រស់ រ៉ាវុធ៖ “និស្សិតខ្មែរចូលចិត្តរៀនជំនាញងាយរៀន មិនចង់រៀនជំនាញបច្ចេកទេស”
ចុះផ្សាយនៅថ្ងៃ៖
ស្តាប់ - ០៩:២៦
ស្របពេលដែលកម្ពុជាកំពុងបង្វែរទិសការបណ្តុះបណ្តាលថ្នាក់ឧត្តមសិក្សា ពីជំនាញទន់ ដូចជាខាងសេដ្ឋកិច្ច ពាណិជ្ជកម្ម មកជំនាញបច្ចេកទេសវិញ។ នាយករង សាកលវិទ្យាល័យខេមរៈ លោកបណ្ឌិត រស់ រ៉ាវុធ បានមើលឃើញថា ការអប់រំខាងបច្ចេកទេស ជាការចំាបាច់សម្រាប់កម្ពុជាបច្ចុប្បន្ននិងទៅអនាគត។ ប៉ុន្តែលោកថា និស្សិតខ្មែរជាច្រើន មិនចង់រៀនជំនាញបច្ចេកទេសទេ ពួកគេចង់រៀនតែមុខវិជ្ជាណាស្រួលៗ ងាយរៀន។ ដើម្បីចូលរួម លើការកសាងធនធានមនុស្ស សាស្ត្រាចារ្យ រូបនេះអះអាងថា សាកលវិទ្យាល័យខេមរៈរបស់គាត់កំពុងផ្តល់ឳកាសដល់កូនអ្នកក្រីក្រ បានរៀនថ្នាក់ឧត្តមសិក្សា តាមរយៈការបង់ថ្លៃសិក្សាប្រចំាថ្ងៃ មួយថ្ងៃ២ពាន់រៀល។
