ដោយសរសើរថ្មថា«ស្អាត»លោក ជា សុជាតិ អង្អែលផង វាយផង។ បុរសស្រមូម សម្បុរខ្មៅ អាយុ៣៥ឆ្នាំនេះ ស្រឡាញ់ទាំងស្វា ស្រឡាញ់ទាំងមនុស្ស ដែលសុទ្ធតែជាថ្ម។ គាត់ដាប់ គាត់ខួង រួចគាត់ផ្គុំវត្ថុបុរាណទាំងនោះ នៅក្នុងរោងជាងសារមន្ទីរជាតិ ក្នុងរាជធានីភ្នំពេញ។ សេចក្តីស្នេហាចៃដន្យដែលកម្លោះមកពីស្រុកមុខកំពូលនេះ មានចំពោះបដិមាសម័យមុន គឺធំធេង និងគ្មានថ្ងៃរសាយ។
