ក្តីសង្ឃឹមចុងក្រោយរបស់កវី គង្គ ប៊ុនឈឿន ហាក់នៅឆ្ងាយដូចជើងមេឃ!
ចុះផ្សាយនៅថ្ងៃ៖
ស្តាប់ - ០៧:១៩
ថ្ងៃនេះ គឺជាថ្ងៃគម្រប់ខួប១០០ថ្ងៃនៃមរណភាពរបស់កវីម្ចាស់ស្ទឹងសង្កែ គង្គ ប៊ុនឈឿន។ ជាង៣ខែទៅហើយ ក្តីសង្ឃឹមចុងក្រោយរបស់លោកថានឹងបានសាងសង់អាស្រមមួយ នៅស្រុកកំណើត ហាក់នៅតែគ្មានពន្លឺអ្វីបន្តិចសោះ។ ត្បិតខាងអាជ្ញាធរក៏មិនសូវអើពើ ហើយសន្ទុះអ្នកគាំទ្រ ក៏បានតែមួយឆាវ ហើយស្ងប់ស្ងាត់បាត់ទៅវិញ។ ស្ថិតក្នុងស្ថានភាពបែបនេះ ក្រុមគ្រួសាររបស់លោក បានគ្រោងនឹងសាងសង់អាស្រមតូចមួយ ទៅតាមលទ្ធភាពដ៏ស្តួចស្តើង នៅក្នុងវត្តពោធិ៍វាល នៅក្រុងបាត់ដំបង។ហេង ឧត្តម អ្នកកាសែតវិទ្យុបារាំង បានទៅដល់ផ្ទះបុណ្យខួប១០០ថ្ងៃ ក្នុងខណ្ឌឫស្សីកែវ និងបានជួបសម្ភាសជាមួយភរិយារបស់លោក គង្គ ប៊ុនឈឿន ហើយរៀបចំបទយកការណ៍ជូនលោកអ្នកនាងស្តាប់៖