បទយកការណ៍
ពលរដ្ឋផ្តើមចេញពីក្រុងទៅជនបទដើម្បីចូលរួមពិធីបុណ្យចូលឆ្នាំថ្មីតែការធ្វើដំណើរនៅតែប្រឈម
ចុះផ្សាយនៅថ្ងៃ៖
ស្តាប់ - ០៧:២៥
ចាប់ពីថ្ងៃសៅរ៍ ថ្ងៃអាទិត្យនេះទៅ ពលរដ្ឋបានផ្តើមចេញពីទីក្រុងទៅស្រុកកំណើតរៀងៗ ខ្លួនដើម្បីចូលរួមពិធីបុណ្យឆ្នាំថ្មីប្រពៃណីជាតិ ដែលនឹងមកដល់នៅថ្ងៃពុធទី១៣មេសា នេះ។ នៅតាមចំណតរថយន្តនានាមានសកម្មភាពកកកុញ។ រថយន្តឈ្នួលនៅតែដាក់មនុស្ស ទំនិញ សំពីងសំពោង។ ចំណែកថ្លៃដឹកជញ្ជូនក៏នៅតែឡើងថ្លៃ។ និយាយជារួមឆ្នាំនេះ មិនខុសពីឆ្នាំមុនទេ ការធ្វើដំណើររបស់ពលរដ្ឋខ្មែរក្នុងឱកាសបុណ្យទាន នៅតែមានការប្រឈម។ ប្រឈមនឹងគ្រោះថ្នាក់ចរាចរណ៍ ប្រឈមនឹងការចំណាយខ្ពស់។
