ក្រុមសហជីពកម្មករចំនួនជាង៦០០នាក់ មកពីជាង៥០រោងចក្រកាត់ដេរ នៅក្នុងប្រទេសកម្ពុជា បានប្រមូលផ្តុំគ្នា កាលពីពេលថ្មីៗនេះ នៅឯខេត្តកណ្តាល ដើម្បីបើកយុទ្ធនាការប្រឆាំងនឹងការអនុវត្តកិច្ចសន្យាការងារខ្លីៗ ដោយមានការចូលរួមពីតំណាងសហជីពបរទេសផងដែរ។យុទ្ធនាការនេះបានចេញដំណើរពីប្រទេសកម្ពុជា បន្ទាប់ពីមានការកត់សំគាល់ថា ការប្រើប្រាស់កិច្ចសន្យាខ្លីៗកើតមានកាន់តែច្រើន នៅតាមបណ្តាររោងចក្រកាត់ដេរនៃប្រទេសនេះ ដែលធ្វើអោយមានការខាតបង់នូវអត្ថប្រយោជន៍ជាច្រើនរបស់កម្មករ។
