ចិនកំពុងជួបវិបត្តិទីផ្សារអចលនទ្រព្យ
ចិនកំពុងជួបការលំបាកក្នុងការគ្រប់គ្រងទីផ្សារអចលនាទ្រព្យ។ តម្លៃផ្ទះដែលដាក់លក់ នៅតាមទីក្រុងធំៗក្នុងស្រុក កំពុងកើនឡើងជាបន្តបន្ទាប់។ រដ្ឋាភិបាលបានដាក់ចេញវិធានការខ្លះៗ កន្លងមកដែរ ដើម្បីទប់ស្កាត់បញ្ហា ប៉ុន្តែ នៅតែគ្មានប្រសិទ្ធភាព។
ចុះផ្សាយនៅថ្ងៃ៖
វិបត្តិទីផ្សារអចលនទ្រព្យចិន បានធ្វើអោយមហាសេដ្ឋីក្រុមហ៊ុនចិនមួយរូប ឈ្មោះថា វ៉ាង ជានលីន ត្អូញត្អែរប្រាប់រហូតដល់ទូរទស្សន៍CNN។ គាត់សំដែងការបារម្ភ ដោយសារតែវិធានការរដ្ឋាភិបាលចិន គ្មានប្រសិទ្ធភាព។
ជាការកត់សម្គាល់ តម្លៃផ្ទះដែលគេដាក់លក់ នៅតាមទីក្រុងធំៗរបស់ចិន បានកើនឡើងជាលំដាប់។ ប៉ុន្តែ នៅតាមក្រុងតូចៗវិញ ផ្ទះទំហំធំយ៉ាងណា ក៏នៅតែមិនអាចរកអ្នកទិញ។
នៅក្រុងឆ្នេរ Xiamen ភាគខាងត្បូង តម្លៃផ្ទះដែលគេដាក់លក់បានកើនឡើងរហូតដល់៤៤,៣ភាគរយ គិតត្រឹមតែ១ឆ្នាំ។ នៅក្រុងShenzhen ភាគខាងត្បូង តម្លៃអចលនទ្រព្យបានកើនរហូតដល់៣៨ភាគរយ។ នៅក្រុងប៉េកាំងវិញ តែក្នុងមួយឆ្នាំ តម្លៃផ្ទះកើនដល់២៥,៨ភាគរយ។ នៅក្រុងសៀងហៃ ផ្ទះមួយម៉ែត្រការ៉េ កើនតម្លៃរហូតដល់៥៨០០អឺរ៉ូ។
កន្លងមក អាជ្ញាធរចិនបានដាក់ចេញវិធានការមួយចំនួននៅតាមក្រុងធំៗ ដូច សៀងហៃ រឺក្រុងឆ្នេរ Xiamen។ បែបយ៉ាង ហាមមិនអោយលក់ផ្ទះ ទៅអោយអ្នកដែលគ្មានទីលំនៅអចិន្ត្រៃយ៍ក្នុងស្រុក។ អាជ្ញាធរសៀងហៃបានចាត់វិធានការរហូតព្យួរការលក់ដីធ្លីទៀតផង។ ប៉ុន្តែវិធានការទាំងអស់នេះ នៅតែមិនអាចដោះស្រាយបញ្ហា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ