សន្និសីទអន្តរជាតិស្តីពីអំពើប្រល័យពូជសាសន៍នៅកម្ពុជាបានរៀបចំជាលើកទីមួយក្នុងប្រទេសបារាំង។ អ្នកជំនាញ និងអ្នកប្រវត្តិសាស្រ្តកម្ពុជា កាណាដា និងអាមេរិក ត្រូវបានគេអញ្ជើញឲ្យមកថ្វើវាគ្មិន ពន្យល់ និងពិចារណាលើមូលហេតុ និងយន្តការនៃអំពើប្រល័យពូជសាសន៍ និងផលប៉ះពាល់របស់វាក្នុងសង្គមខ្មែរ។ សន្និសីទរយៈពេល៣ថ្ងៃ នៅចុងសប្តាហ៍នេះ មានអមដោយការតាំងពិព័រណ៌ផ្ទាំងគំនូរដែលជាស្នាដៃរបស់ជនរងគ្រោះក្នុងរបបខ្មែរក្រហម និងការបញ្ចាំងកុនឯកសារដែលនឹងបញ្ចប់នៅថ្ងៃទី ១៥ មករា នៅសាកលវិទ្យាល័យប៉ារីស៨។ ព្រឹត្តិការណ៍ពិភាក្សាតុមូល និងការបញ្ចាំងកុនឯកសារនឹងមានរៀបចំជាថ្មី នៅដើមខែមករាខាងមុខ នៅមជ្ឈមណ្ឌលឯកសារកុន Forum Des images ក្នុងក្រុងប៉ារីស។ ព្រឹត្តិការណ៍នោះនឹងមានចូលរួមពីលោកវ៉ាន់ ណាត អ្នករួចរស់ជីវិតពីគុកទួលស្លែង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ