ស្ថានភាពគួរឱ្យបារម្ភនៃគ្រោះអត់ឃ្លាននៅ២៩ប្រទេស
គ្រោះអត់ឃ្លាននៅលើពិភពលោកប៉ះពាល់មនុស្សប្រមាណជា១ពាន់លាននាក់និងមានទំហំគួរឱ្យព្រូយបារម្ភខ្លាំងណាស់ នៅក្នុងប្រទេសចំនួនជិត៣០ ភាគច្រើននៅទ្វីបអាហ្វ្រិកនិងអាស៊ី ដោយហេតុមកពីភាពក្រីក្រ អធិករណ៍និងអស្ថិរភាពនយោបាយ -ស្របតាមរបាយការណ៍មួយចុះផ្សាយ នៅថ្ងៃចន្ទម្សិលមិញ១១តុលា។
ចុះផ្សាយនៅថ្ងៃ៖ កែប្រែថ្ងៃទី៖
គោលដៅកំណត់នៅឆ្នាំ១៩៩០កាត់បន្ថយឲ្យបានពាក់កណ្តាលចំនួនអ្នករងគ្រោះអត់ឃ្លានចាប់ពីឥឡូវនេះទៅទល់ឆ្នាំ២០១៥ពុំងាយនឹងបំពេញបានទេ ស្របតាមសន្ទស្សន៍ប្រចាំឆ្នាំនៃគ្រោះអត់ឃ្លាននៅលើពិភពលោកចុះផ្សាយដោយវិជ្ជាស្ថានអន្តរជាតិខាងស្រាវជ្រាវអំពីនយោបាយអាហារូបត្ថម្ភហៅកាត់ថាIFPRIដែលមានទីស្នាក់ការនៅទីក្រុងវ៉ាស៊ីនតោន។
“សន្ទស្សន៍ដែលវាស់វែងគ្រោះអត់ឃ្លាននៅលើពិភពលោកនៅតែឋិតនៅកម្រិតដ៏ធ្ងន់ធ្ងរ”។សន្ទស្សន៍មានរួមបញ្ចូលកត្តាបីគឺ ទីមួយ ចំនួនបណ្តាជនហូបមិនគ្រប់គ្រាន់ ទីពីរ ទម្ងន់មិនគ្រប់គ្រាន់របស់កុមារ និងទីបី អត្រាមរណប្បមាណរបស់កុមារ។ “ការដែលកុមារឆាប់មានគ្រោះអត់ឃ្លានហូបមិនគ្រប់គ្រាន់ធ្វើឲ្យភាពក្រីក្រមានបន្តពីស្រករទៅស្រករមួយទៀត”។
នៅ២៥ប្រទេសដែលស្ថានភាពនៃគ្រោះអត់ឃ្លានគួរឲ្យព្រួយបារម្ភខ្លាំងណាស់គឺប្រទេសនេប៉ាល់ តង់ហ្សានី កម្ពុជា ស៊ូដង់ ហ្ស៊ីមបាបវ៉េ បៀគីណាហ្វាសូ តូហ្គោ ហ្គីណេ-ប៊ីសាវរ្វ៉ាន់ដា ហ្ស៊ីប៊ូទី ម៉ូហ្សមប៊ីក ឥណ្ឌា បង់ក្លាដេស លីបេរីយ៉ា ហ្សមប៊ី ទីម័រខាងកើត នីហ្សេ អង់ហ្គោឡា យ៉េមេន សាធារណរដ្ឋសង់ត្រាហ្វ្រិកែន ម៉ាដាហ្កាស្ការ កូម័រ ហាអ៊ីទី ស្យែរ៉ាលេអូន និងអេទីយ៉ូពី។
“អធិករណ៍ដែលអូសបន្លាយចាប់ពីចុងទសវត្សរ៍ឆ្នាំ១៩៩០បានបណ្តាលឲ្យសេដ្ឋកិច្ចស្រុតរលំ ឲ្យបណ្តាជនច្រើនសន្ធឹកសន្ធាប់ធ្វើចំណាកស្រុកនិងឲ្យមានស្ថានភាពរ៉ាំរ៉ៃនៃគ្រោះហូបមិនគ្រប់គ្រាន់"-នៅសាធារណរដ្ឋប្រជាធិបតេយ្យកុងហ្គោ-ស្របតាមរបាយការណ៍នៃវិជ្ជាស្ថានIFPRI ។
កុមារអាយុតិចជាង៥ឆ្នាំចំនួនជាង៤០%នៅប្រទេស បង់ក្លាដេស ឥណ្ឌា ទីម័រខាងកើត និងយ៉េមេន មានទម្ងន់មិនគ្រប់គ្រាន់។
អាហ្វហ្កានិស្តង់ អង់ហ្គោឡា ឆាដ និងសូម៉ាលីមានអត្រាមរណប្បមាណនៃកុមារខ្លាំងបំផុតគឺប្រមាណជា២០%ឬលើសពីនេះទៅទៀតក្នុងចំណោមកុមារអាយុតិចជាង៥ឆ្នាំ។
ចំនួនមនុស្សហូបមិនគ្រប់គ្រាន់បានឆ្លងពី២០%ពីឆ្នាំ១៩៩០មក១៩៩២មកកាន់១៦%ពីឆ្នាំ២០០៤មក២០០៦។ ស្របតាមអ ស ប អ្នករងគ្រោះអត់ឃ្លានមានចំនួន៩២៥លាននាក់នៅឆ្នាំ២០១០នេះទល់នឹង១ ០០០លាននាក់នៅឆ្នាំទៅ២០០៩៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ