រដ្ឋាភិបាល និងសង្គមស៊ីវិលជួបគ្នានិយាយពីបញ្ហាក្រោយការបោះឆ្នោត
នៅព្រឹកថ្ងៃសុក្រនេះ រដ្ឋមន្ត្រីក្រសួងមហាផ្ទៃ លោក ស ខេង បានទទួលជួបតំណាងអង្គការសង្គមស៊ីវិលក្នុងស្រុកចំនួន ១០ ដើម្បីនិយាយអំពីដំណោះស្រាយនយោបាយក្រោយការបោះឆ្នោត។
ចុះផ្សាយនៅថ្ងៃ៖
នេះជាលើកដំបូងហើយដែលរដ្ឋាភិបាល និងសង្គមស៊ីវិលបានជួបពិភាក្សាគ្នាអំពីដំណោះស្រាយបញ្ហាជាតិចាប់តាំងពីក្រោយការបោះឆ្នោតថ្ងៃ ២៨ កក្កដាមក ហើយជាជំនួបដ៏កម្ររវាងភាគីទាំងពីរ។ សង្គមស៊ីវិលបានដើរតួជាអ្នកជួយសម្របសម្រួលឲ្យមានដំណោះស្រាយនយោបាយសមស្របរវាងគណបក្សនយោបាយជាប់ឆ្នោតទាំងពីរ។
លោក ស ខេង នៅក្រោយជំនួបនោះ បានប្រាប់ក្រុមអ្នកកាសែតថា គណបក្សប្រជាជនកម្ពុជា និងគណបក្សសង្គ្រោះជាតិ បានជួបពិភាក្សាគ្នាហើយកាលពីព្រឹកថ្ងៃសុក្រ ទី៩ខែសីហានេះ។
ជាមួយគ្នានោះ លោកបានស្វាគមន៍ចំពោះសេចក្ដីប្រកាសរបស់គណៈកម្មាធិការជាតិរៀបចំការបោះឆ្នោត ដែលបានអញ្ជើញគណបក្សទាំងពីរឲ្យចូលរួមប្រជុំ ដើម្បីបង្កើតគណៈកម្មាការចំពោះកិច្ចមួយ ក្រោមការចូលរួមសង្កេតការណ៍ដោយអង្គការសង្គមស៊ីវិលជាតិ និង អន្ដរជាតិ ដើម្បីឲ្យលទ្ធផលនៃការបោះឆ្នោតជាតិអាណត្តិទី៥ ប្រកបដោយតម្លាភាព និងអាចជឿទុកចិត្តបាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ