លោកហ៊ុន សែន ខឹងនឹងការផ្សាយខុសរបស់កាសែត Cambodia Daily
ថ្លែងក្នុងពិធីចែកសញ្ញាបត្រដល់និស្សិតសាកលវិទ្យាល័យ IIC ចំនួន ៨៦០នាក់ នៅព្រឹកថ្ងៃទី ១២ឧសភានេះ នាវិទ្យាស្ថានជាតិអប់រំ រាជធានីភ្នំពេញ លោកនាយករដ្ឋមន្រ្តី ហ៊ុន សែន បានព្រមានចាត់វិធានការតាមផ្លូវច្បាប់លើកាសែតជាភាសាអង់គ្លេស The Cambodia Daily ប្រសិនបើបានស្រង់សម្តីរបស់លោក យកទៅចុះផ្សាយខុសម្តងទៀត។ ថ្លែងដោយមិនពេញចិត្ត លោកនាយករដ្ឋមន្ត្រី ក៏បានស្នើឲ្យកាសែតមួយនេះ កុំផ្សាយព័ត៌មានពីលោក ប្រសិនបើផ្សាយប្រឌិត ដូចករណីក្នុងអត្ថបទកាលពីថ្ងៃទី ១១ឧសភា។
ចុះផ្សាយនៅថ្ងៃ៖
ស្តាប់ - ០០:៤៤
គួររំលឹកជូនថា កាលពីថ្ងៃទី១១ឧសភាម្សិលមិញ លោកស្វាយ ស៊ីថា រដ្ឋលេខាធិការ និងជាតំណាងអង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្រ្តី បានផ្ញើលិខិតមួយច្បាប់ទៅកាន់និពន្ធនាយកសារព័ត៌មាន The Cambodia Daily ចំពោះអត្ថបទមួយរបស់កាសែតនេះ ដែលចុះផ្សាយថា “លោក ហ៊ុន សែន ហាមឃាត់អ្នកដែលស្លៀកពាក់ពណ៌ដូចៗគ្នា មិនឲ្យប្រមូលផ្តុំជាសាធារណៈ”។ ជាចំណងជើងដែលលោក ស្វាយ ស៊ីថា អះអាងថា មានចេតនាបំភ័ន្ត និងញុះញង់សាធារណមតិជាតិ និងអន្តរជាតិ ឲ្យមានការយល់ច្រឡំទៅលើប្រសាសន៍របស់លោកនាយករដ្ឋមន្រ្តី ហ៊ុន សែន។ សូមស្តាប់ប្រសាសន៍របស់លោកនាយករដ្ឋមន្ត្រីហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ