លោកម៉ៅ បូរ៉ា អ្នកលក់ម៉ាំល្ហុង កំពុងធ្វើឲ្យគេចាប់អារម្មណ៍ ដោយសារគាត់បានតុបតែងខ្លួន មិនចាញ់អ្នកធំ អ្នកធ្វើការក្នុងការិយាល័យឡើយ។ នៅពេលបុរសអាយុ២៧ឆ្នាំនេះ ចេញទៅលក់ម៉ាំម្តងៗ គាត់ពាក់អាវធំ ពាក់ក្រវ៉ាត់ ក ហើយកន្លែងណាគាត់ទៅដល់ បើគេមិនទិញម៉ាំរបស់គាត់ទេ ក៏ឈប់មើលគាត់ដែរ។ សាធារណជននៅក្នុងទីក្រុងភ្នំពេញមួយចំនួន កំពុងចាប់អារម្មណ៍ពីខ្សែជីវិត បុរសកូនពីរ មកពីខេត្តតាកែវ ម្នាក់នេះ។ មិនតែប៉ុណ្ណោះមជ្ឈមណ្ឌលផលិតឯកសារបុប្ផាណាក៏បានថតវីដេអូឯកសារ ពីខ្សែជិវិតតស៊ូ របស់លោក ម៉ៅ បូរ៉ា ទុកផងដែរ។
