បទយកការណ៍
ការត្រៀមខ្លួនរបស់គណបក្សនយោបាយសម្រាប់ការបោះឆ្នោតជាតិខែកក្កដា
ចុះផ្សាយនៅថ្ងៃ៖
ស្តាប់ - ០៩:៤៨
គណបក្សនយោបាយទាំង ៨ ដែលបានចុះឈ្មោះ ដាក់បេក្ខជនចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៥ នាថ្ងៃទី២៨ ខែកក្កដា នៅពេលនេះ បានចាប់ផ្សព្វផ្សាយពីលំដាប់លេខរៀងរបស់គណបក្សនិមួយៗ នៅលើសន្លឹកឆ្នោតប្រាប់ដល់សកម្មជនអ្នកគាំទ្រ នៅតាមវេទិកាជួបជុំផ្សេងៗគ្នា។ គណបក្សនយោបាយក៏បានបោះពុម្ពខិតប័ណ្ណឃោសនា ខ្សែអាត់សំឡេង ផ្ទាំងបាណូ អាវយឺត និងមួកមានរូបសញ្ញាគណបក្ស ដោយភ្ជាប់នឹងលេខរៀងលើសន្លឹកឆ្នោត ដើម្បីត្រៀមចេញឃោសនាបោះឆ្នោត នាថ្ងៃទី២៧ ខែមិថុនា។