ហ្វីល្លីពីនទិញនាវាចម្បំាងបារំាងដើម្បីប្រឈមទប់នឹងវត្តមានចិននៅសមុទ្រចិនខាងត្បូង
នៅថ្ងៃសៅរ៍ ទី៣ សីហា រដ្ឋាភិបាលនៃប្រទេសហ្វីល្លីពីនបានប្រកាសឲ្យដឹងពីការទិញនាវាចម្បំាងពីកងទាហានជើងទឹកបារំាង។ គោលដៅនៃការទិញបន្ថែមនាវាចម្បំាងរបស់ហ្វីល្លីពីនពេលនេះ គឺដើម្បីប្រឈមទប់នឹងកំណើនមហិច្ឆតារបស់ចិននៅក្នុងសមុទ្រចិនខាងត្បូង។ គួរជម្រាបជូនថា សព្វថ្ងៃ ចិនកំពុងមានជម្លោះជាមួយប្រទេសអាស៊ីមួយចំនួនទាក់ទងនឹងទីប្រជុំកោះនៅសមុទ្រខាងកើត និងខាងត្បូង ក្នុងនោះក៏មានប្រទេសហ្វីលីពីនមួយដែរ។
ចុះផ្សាយនៅថ្ងៃ៖
ស្តាប់ - ០១:៥៣
« La tapageuse » នេះជាឈ្មោះនាវាចម្បំាងរបស់កងទ័ពជើងទឹកបារំាងដែលនឹងក្លាយជាកម្មសិទ្ធិរបស់កងទ័ពជើងទឹកហ្វីល្លីពីននាពេលឆាប់ៗខាងមុខនេះ។ « La tapageuse » ជានាវាចម្បំាងបារំាងដែលមានប្រវែងជិត ៥៥ម៉ែត្រ និងដែលកងទ័ពជើងទឹកបារំាងបានប្រើប្រាស់វាអស់រយៈពេល ២៦ឆ្នំាមកហើយ។ តែបើយោងតាមឆ្មំាសមុទ្រហ្វីល្លីពីន នាវានេះមានអាយុច្រើនមែន តែវាមានតម្លៃថោក គឺ ៦លានអឺរ៉ូ និងដែលគេអាចបន្តប្រើប្រាស់វាបានប្រមាណ ២០ឆ្នំាបន្ថែមទៀត។
យោងតាមឆ្មំាសមុទ្រហ្វីលីពីនដដែល « La tapageuse » ជានាវាចម្បំាងដែលមានបំពាក់ដោយកាណុងកំាភ្លើង ២ដើម និងកំាភ្លើងយន្ត ២ដើម។ ម្យ៉ាងទៀត នាវាចម្បំាងបារំាងចំណាស់មួយនេះក៏អាចប្រើប្រាស់នៅក្នុងផ្នែកស្រាវជ្រាវ និងជួយសង្រ្គោះនៅពេលមានគ្រោះមហន្តរាយដែរ។
ក្រៅពីការទិញនាវាចម្បំាង« La tapageuse » រដ្ឋាភិបាលហ្វីល្លីពីនក៏កំពុងចរចាទិញបន្ថែមនូវនាវាចម្បំាងថ្មីប្រវែង ២៤ម៉ែត្រចំនួន ៤គ្រឿង និងមួយគ្រឿងមានប្រវែង ៨២ម៉ែត្រ។ ប្រភពកងទ័ពជើងទឹកហ្វីល្លីពីនឲ្យដឹងថា តាមគម្រោង កងទ័ពជើងទឹកហ្វីល្លីពីននឹងទទួលបាននាវាចម្បំាងថ្មីទំាងនេះនៅក្នុងត្រីមាសទីមួយឆ្នំា ២០១៥ តែដោយមិនបានបញ្ជាក់ពីតម្លៃសរុបទេ។ គួរជម្រាបជូនថា ក្រៅពីការទិញនាវាចម្បំាងពីប្រទេសបារំាង ហ្វីល្លីពីនក៏បានទិញពីបណ្តាប្រទេសផ្សេងដែរ ដូចយ៉ាងពីប្រទេសជប៉ុនចំនួន ១០គ្រឿង។
អ្វីជាការកត់សម្គាល់ កងទ័ពហ្វីល្លីពីនត្រូវបានគេចាត់ទុកជាកងទ័ពដែលមានបំពាក់អាវុធទំនើបទាន់សម័យតិចជាងកងទ័ពនៃបណ្តាប្រទេសជិតខាង។ មួយវិញទៀត ការបង្កើនបំពាក់នាវាចម្បាំងរបស់កងទ័ពជើងទឹកហ្វីល្លីពីនពេលនេះបានធ្វើឡើង គឺដើម្បីប្រឈមទប់នឹងកំណើនវត្តមានរបស់នាវាចម្បំាងចិននៅក្នុងសមុទ្រចិនខាងត្បូង។ ចិនដែលកំពុងមានជម្លោះជាមួយប្រទេសអាស៊ីមួយចំនួនទាក់ទងនឹងទីប្រជុំកោះនៅសមុទ្រចិនខាងកើត និងខាងត្បូង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ