ដំណើរវិវត្តវិស័យសំណង់ក្នុងក្រុងភ្នំពេញ ត្រូវបានតាំងបង្ហាញក្នុងពិព័រណ៍រូបភាព…
ចុះផ្សាយនៅថ្ងៃ៖
ស្តាប់ - ០៩:៣៤
“ភ្នំពេញ មានកាលមួយនោះ...” ជាពិព័រណ៍បង្ហាញពីការវិវត្តនានារបស់ទីក្រុងភ្នំពេញកាលពីសម័យអាណាព្យាបាលបារាំង និង សង្គមរាស្រ្តនិយម។ ពិព័រណ៍នេះ បានរៀបចំឡើងនៅវិទ្យាស្ថានបារាំងប្រចាំនៅកម្ពុជាកាលរាត្រីថ្ងៃអង្គារ និង បន្តតាំងបង្ហាញរហូតដល់ខែវិច្ឆិកា ក្រោមការសហការរវាងវិទ្យាស្ថានបារាំង និងក្រសួងវប្បធម៌ និងវិចិត្រសិល្បៈកម្ពុជា។ ខ្សែភាពយន្តឯកសារ និងផ្ទាំងរូបភាពជាច្រើនផ្ទាំងនៃការវិវត្តរបស់ទីក្រុងភ្នំពេញ ត្រូវបានដាក់តាំងឲ្យអ្នកចូលរួមទស្សនាដោយសេរី។ និស្សិតខ្មែរដែលភាគច្រើនសិក្សាខាងសំណង់ បានលើកឡើងថា តាមរយៈពិព័រណ៍នេះ អាចឲ្យពួកគេយល់ដឹងបានច្រើនពីវិស័យសំណង់នៅក្នុងអតីតកាល។
