នាយករដ្ឋមន្ត្រីថៃសន្យាឲ្យមានក្រុមប្រឹក្សាកំណែទម្រង់ជាតិថៃ
លោកនាយករដ្ឋមន្រ្តីថៃ ប្រាយុទ្ធចាន់ អូចា នៅថ្ងៃព្រហស្បតិ៍នេះ បានថ្លែងធានាអះអាងថា គណកម្មការដែលមានសមាជិក២៥០នាក់នឹងត្រូវទទួលបន្ទុករៀបចំការបង្កើតកំណែទម្រង់នយោបាយនិងសេដ្ឋកិច្ច។ គណៈកម្មការនេះនឹង មានការចូលរួមពីគ្រប់ស្រទាប់វណ្ណៈសង្គម ហើយនឹងធ្វើការតាក់តែងរដ្ឋធម្មនុញ្ញថ្មីមួយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥២
បន្ទាប់ពីត្រូវបានតែងតាំងជាប្រមុខរដ្ឋាភិបាលកាលពី២សប្តាហ៍ មុនមក មេដឹកនាំរបបយោធាថៃ បានចាប់ផ្តើមជំរុញដំណើរនិតិវិធីដើម្បីជ្រើសរើសក្រុមប្រឹក្សាជាតិទទួល បន្ទុករៀបចំកណែទម្រង់(CNR)។
ក្រុមប្រឹក្សាជាតិនេះ និងត្រូវរិះគិតពិចារណាជាពិសេសនៅលើបញ្ហានយោបាយផ្នែកឋាមពល ផ្នែកអប់រំជាតិ សុខភាពសាធារណៈនិងផ្នែកប្រព័ន្ធផ្សព្វផ្សាយឃោសនាមហាជន។ លោក ប្រាយុទ្ធចាន់ អូចា បានថ្លែងបន្តទៀតថា “រដ្ឋាភិបាលថៃ ក្នុងពេលនេះ ត្រូវការប្រជាជនណាដែលមានលទ្ធភាពអាចចាប់ផ្តើមធ្វើការងារបាន ភា្លមៗ ជាពិសេស ប្រជាជនដែលចេញមកពីគ្រប់ស្រទាប់វណ្ណៈក្នុងសង្គម”។
ឥឡូវនេះ ប្រជាជនជាង៧០០០នាក់ ហើយ បានចុះឈ្មោះដើម្បីធ្វើជាបេក្ខជនសំរាប់ការចូលរួមក្នុងក្រុមប្រឹក្សាជាតិដែលទទួលបន្ទុករៀបចំកណែទម្រង់(CNR)។ ក្រុមប្រឹក្សាជាតិដែលនឹងអនុម័តផងដែរលើរដ្ឋធ្មនុញ្ញថ្មីមួយនៅ ឆ្នាំក្រោយ។
ម្យ៉ាងទៀត “ក្រុមប្រឹក្សាជាតិ ក៏នឹងត្រូវរៀបចំបង្កើតឡើង ចាប់ពីពេលនេះទៅដល់ថ្ងៃទី២តុលាខាងមុខ ។ ចំណែក ឯការបោះឆ្នោតសភាប្រហែលជានឹងត្រូវប្រព្រឹត្តទៅនៅក្នុងអំឡុង ខែតុលាឆ្នាំ២០១៥ ដើម្បីគេមានពេលគ្រប់គ្រាន់ក្នុងការដឹកនាំកំណែទម្រង់ដែលទាមទារ ដោយបាតុករ។
មហាបាតុកម្មថៃ ដែលមានរយៈពេលអស់ជាច្រើនខែ ដើម្បីទាមទារឲ្យលោកស្រីនាយករដ្ឋមន្ត្រីយីងឡាក់លាលែងពីមុខតំណែងរហូត ដល់មានរដ្ឋប្រហារយោធាទមា្លក់លោកស្រី យីងឡាក់នៅខែឧសភាមុននេះ។
នៅទីបញ្ចប់លោកនាយករដ្ឋមន្ត្រីថៃ បាអះអាទៀតថា “នៅពេលណាដែលបញ្ហាពុករលួយ សេដ្ឋកិច្ច ពន្ធដា ការប្រយុទ្ធប្រឆាំងទល់នឹងគ្រឿងញាននិងការកាប់បំផ្លាញព្រៃឈើ ត្រូវបានដោះស្រាយរួចរាល់ហើយ នោះខ្ញុំនឹងមិនបន្តកាន់តំណែងនេះទៀតទេ”៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ