អ្នករកស៊ីផ្លូវភេទក្នុងខេត្តព្រះសីហនុកើនឡើងសម្រាប់បម្រើជនបរទេស
ចុះផ្សាយនៅថ្ងៃ៖
ស្តាប់ - ០៨:១៥
នៅក្នុងខេត្តព្រះសីហនុ មិនមានទេផ្ទះបន ប៉ុន្តែ ចំនួនស្រ្តីរកស៊ីផ្លូវភេទមានច្រើនក្នុងខេត្តទេសចរណ៍របស់កម្ពុជាមួយនេះ។ មិនខុសពីខេត្ត ក្រុងដទៃទៀត ស្រ្តីប្រកបរបរលក់ខ្លួន នៅក្នុងខេត្តព្រះសីហនុ មិនបើកទ្វារផ្ទះចំហលក់ភេទទៀតឡើយ។ ពួកគេបានជ្រកក្រោមរបរជាអ្នកម៉ាស្សា ជានារីលក់ស្រាបៀរ និងជាស្រ្តីបម្រើការងារក្នុងខារ៉ាអូខេ ភោជនីយដ្ឋានបរទេសជាដើម។ ចំណែកស្រ្តីលក់ខ្លួនមួយចំនួនទៀតបានចេញទាក់ភ្ញៀវនៅតាមសួនច្បារ តាមឆ្នេរសមុទ្រ នៅរៀងរាល់រាត្រី។ អតិថជនសំខាន់របស់ស្រ្តីលក់ខ្លួនទំាងនោះ គឺជាជនបរទេស ពីព្រោះខេត្តព្រះសីហនុទទួលបានភ្ញៀវទេសចរបរទេសប្រមាណ ៤ពាន់នាក់ក្នុងមួយខែៗ។