បទយកការណ៍
លោកញឹក ប៊ុនឆៃ៖គណបក្សហ៊្វុនស៊ិនប៉ិចប្តេជ្ញារួមគ្នាបំភ្លេចរឿងចាស់
ចុះផ្សាយនៅថ្ងៃ៖
ស្តាប់ - ០៨:៤២
រយៈពេលបីថ្ងៃបន្ទាប់ពីការចុះហត្ថលេខារួមគ្នាស្តីពីការបង្រួមបង្រួមគណបក្សរវាងសម្តេចក្រុមព្រះគណបក្សនរោត្តមរណឬទ្ធិនិងលោកញឹក ប៊ុនឆៃប្រធានប្រតិបត្តិគណបក្សហ៊្វុនស៊ិនប៉ិច កាលពីថ្ងៃអាទិត្យម្សិលមិញ គណបក្សហ៊្វុនស៊ិនប៉ិចបានបើកកិច្ចប្រជុំជាសាធារណៈមួយនៅទីស្នាក់ការថ្មីរបស់ខ្លួនក្នុងសង្កាត់បាក់ខែងរាជធានីភ្នំពេញដើម្បីធ្វើសេចក្តីណែនាំជាប្រញាប់ជូនសកម្មជនរបស់ខ្លួនមុនការបោះឆ្នោតក្រុមប្រឹក្សាឃុំសង្កាត់នាពេលខាងមុខ។ លោកញឹក ប៊ុនឆៃបានមានប្រសាសន៍អោយដឹងថាគោលបំណងសំខាន់នៃកិច្ចប្រជុំនេះគឺប្រមូលសំឡេងឆ្នោតលើកស្ទួយគណបក្សរាជានិយមឡើងវិញ។
