មជ្ឈមណ្ឌលសិទ្ឋិមនុស្សកម្ពុជាបង្កើតសកម្មភាពគំាទ្រលោកម៉ម សូណង់ដូទាល់តែមានថ្ងៃដោះលែង
ចុះផ្សាយនៅថ្ងៃ៖
ស្តាប់ - ០៨:២៨
មកដល់ថ្ងៃអង្គារទី១៩កុម្ភៈឆ្នាំ២០១៣ នេះ លោកម៉ម សូណង់ដូ បានជាប់ពន្ធនាគារ ចំនួន២២១ថ្ងៃមកហើយ។ ចំនួនថ្ងៃជាប់ឃុំរបស់ប្រធានវិទ្យុសំបុកឃ្មុំរូបនេះ មិនបាច់រាប់ម្រាមដៃក៏ដឹងដែរ ប្រសិនបើគេធ្វើដំណើរឆ្លងកាត់ទីស្នាក់ការមជ្ឈមណ្ឌលសិទ្ឋិមនុស្សរបស់លោកអ៊ូ វីរៈ ។ នៅទីនោះមានដាក់ផ្ទំាងប៉ាណូមួយឈ្មោះថា ប្រតិទិនយុត្តិធម៌។ ប្រតិទិនយុត្តិធម៌ បង្ហាញពីចំនួនថ្ងៃដែលលោក ម៉ម សូណង់ដូ ជាប់ឃុំ។ ប្រតិទិនយុត្តិធម៌ ជាសកម្មភាពមួយក្នុងចំណោមសកម្មភាពមួយចំនួនទៀត រៀបចំឡើងដោយអង្គការសិទ្ធិមនុស្ស ដើម្បីឲ្យមានការចងចំាករណីលោកម៉ម សូណង់ដូ និងទាមទារដល់អាជ្ញាធរឲ្យដោះលែងគាត់ឲ្យមានសេរីភាពឡើងវិញ។ មជ្ឈមណ្ឌលសិទ្ធិមនុស្សកម្ពុជាអះអាងថា ខ្លួននឹងបន្តសកម្មភាពដើម្បីគំាទ្រ លោកម៉ម សូណង់ដូ រហូតទាល់តែមានការដោះលែង សកម្មជនសិទ្ឋិមនុស្សរូបនេះ នៅក្រៅឃុំ។