បញ្ហាសុវត្ថិភាពរបស់កម្មការនីរោងចក្រកាត់ដេរនៅក្នុងទីក្រុង
ចុះផ្សាយនៅថ្ងៃ៖
ស្តាប់ - ០៩:៣៤
នៅប្រទេសកម្ពុជា មានកម្មករកម្មការនីរោងចក្រកាត់ដេរប្រមាណ៥០ម៉ឺននាក់ ដែលកំពុងបម្រើការងារនៅតាមបណ្តារោងចក្រផ្សេងៗគ្នា ទាំងនៅក្នុងទីក្រុងនិងទីប្រជុំជននៃបណ្តាខេត្តមួយចំនួន។ នៅក្នុងចំណោមកម្មកររោងចក្រកាត់ដេរជាង៥០ម៉ឺននាក់ គេសង្កេតឃើញមានស្ត្រីប្រមាណជាង៨០ទៅ៩០%បានធ្វើចំណាកស្រុកពីទីជនបទដាច់ស្រយាល មកធ្វើការនៅក្នុងទីក្រុង។ ការធ្វើចំណាកស្រុកនេះបានធ្វើអោយមានការចោទសួរចំពោះបញ្ហាសុវត្ថិភាព បញ្ហាសុខភាព ក៏ដូចជាការអប់រំរបស់ស្រ្តីជាកម្មការនីរោងចក្រកាត់ដេរ ដែលសម្រេចចិត្តចាកចេញពីស្រុកកំណើតរបស់ខ្លួន។ កាលពីថ្ងៃអាទិត្យម្សិលមិញនៅក្នុងទីក្រុងភ្នំពេញ វេទិកាកម្មករមួយត្រូវបានគេរៀបចំធ្វើឡើង ដើម្បីលើកឡើងពីបញ្ហាសុវត្ថិភាពរបស់កម្មការនីរោងចក្រកាត់ដេរនៅក្នុងទីក្រុង៕
