ថ្ងៃទី ០២ ធ្នូ ឆ្នាំ ២០១៣ ខាងមុខគឺជាខួបលើកទី ៣៥ នៃកំណើតរណសិរ្ស សាមគ្គីសង្គ្រោះជាតិ កម្ពុជា ដែលបច្ចុប្បន្នមានឈ្មោះថា ក្រុមប្រឹក្សាជាតិរណសិរ្សសាមគ្គីអភិវឌ្ឍន៍ មាតុភូមិ កម្ពុជា ។ បើទោះបីជា រយៈពេល៣៥ឆ្នាំបានកន្លងផុតទៅក៏ដោយ ក៏ក្រុមយុវជនគណបក្សប្រជាជនកម្ពុជានៅតែចងចាំ និងធ្វើពិធីរំលឹកដល់ថ្ងៃនេះដដែល ខណៈដែលយុវជន និងប្រជាពលរដ្ឋមួយចំនួនមិនបានស្គាល់ និងចាប់អារម្មណ៏ចំពោះថ្ងៃ២ធ្នូនេះទេ។ នៅឆ្នាំនេះការប្រារព្ធខួបថ្ងៃ ២ ធ្នូ ត្រូវបានធ្វើឡើងតាមរយះការតាំងពិព័ណ៌ និងការប្រគុំតន្ត្រីយ៉ាងកករំពងនៅពហុកីឡាដា្ឋនជាតិអូឡាំពិក ដែលរៀបចំដោយក្រុមយុវជនគណបក្សប្រជាជនកម្ពុជាតាមរយៈសហភាពសហព័ន្ធយុវជនកម្ពុជា។
