លោក យ៉ែម បុញ្ញាឫទ្ធិ៖ ប្រសិនបើអាជ្ញាធរបានអានសៀវភៅរបស់លោក ច្បាស់ជាមិនចាប់ឃាត់សៀវភៅនេះទេ
កាលពីពេលថ្មីៗនេះ អាជ្ញាធរក្រុងភ្នំពេញ បានចាប់ឃាត់សៀវភៅមួយចំនួនដែលជាទស្សនៈរបស់អ្នកវិភាគ គឹម សុខ និងសៀវភៅចងក្រងដោយ លោក យ៉ែម បុញ្ញាឫទ្ធិ អតីតអ្នកតំណាងរាស្ត្ររបស់បក្សប្រឆាំង។ លោក យ៉ែម បុញ្ញាឫទ្ធិ ដែលកំពុងភៀសខ្លួននៅប្រទេសបារាំង មានប្រសាសន៍ថា ប្រសិនបើអាជ្ញាធរបានអានសៀវភៅរបស់លោក ច្បាស់ជាមិនចាប់ឃាត់សៀវភៅនេះទេ ពីព្រោះថាខ្លឹមសារសៀវភៅរបស់លោក គឺសរសេរស្តីពីការផ្សះផ្សាជាតិ ដោយមិនបានគិតតែពីរិះគន់ ឬសរសេរឡើងដើម្បីតតាំងដណ្តើមអំណាចនោះទេ។ លោក យ៉ែម បុញ្ញាឫទ្ធិ បន្តទៀតថា ខ្មែរគួរតែអានសៀវភៅឲ្យបានច្រើន មិនថាសៀវភៅរបស់លោក ឬសៀវភៅរបស់អ្នកនិពន្ធផ្សេងទៀតឡើយ ដើម្បីមានពហុគំនិត។ គួរជ្រាបថា សៀវភៅរបស់អតីតអ្នកតំណាងរាស្ត្ររូបនេះ មានចំណងជើងថា «ចក្ខុវិស័យក្នុងការផ្សះផ្សាជាតិ និងការរៀបចំសង្គមជាតិ» ដែលចំនួនជាង២០ក្បាល ត្រូវអាជ្ញាធរចាប់ឃាត់ទុក និងបញ្ចូនទៅតម្កល់ទុកនៅក្រសួងវប្បធម៌។ អាជ្ញាធរយល់ថា ការចេញផ្សាយសៀវភៅទាំងនេះ គឺគ្មានច្បាប់អនុញ្ញាត។ លោក យ៉ែម បុញ្ញាឫទ្ធិ ដែលជាអ្នកចងក្រងសៀវភៅនេះ បានថ្លែងសេចក្តីសោកស្តាយចំពោះទង្វើរបស់អាជ្ញាធរខ្មែរ យ៉ាងដូច្នេះ ៖
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៥