បទយកការណ៍
ពលរដ្ឋក្នុងភូមិ ៧៥នៅខេត្តកំពង់ចាមនិងស្វាយរៀងបានប្រកាសឈប់បន្ទោបង់ក្រៅបង្គន់ហើយ
ចុះផ្សាយនៅថ្ងៃ៖
ស្តាប់ - ០៧:៣១
អង្គការភ្លែនអន្តរជាតិកម្ពុជា បានអនុវត្តកម្មវិធី ជំរុញពលរដ្ឋឲ្យចេះធ្វើអនាម័យក្នុងការរស់នៅ ពិសេសត្រូវបន្ទោបង់ក្នុងបង្គន់ តំាងពីឆ្នាំ ២០១១មក ក្នុងខេត្តចំនួន៥ រួមមានខេត្តតាកែវ ខេត្តកណ្តាល កំពង់ស្ពឺ កំពង់ចាម និងខេត្តស្វាយរៀង។ ជាលទ្ធផលមកដល់ពេលនេះ មានភូមិចំនួន៧៥ បានប្រកាសថាឈប់បន្ទោបង់ក្រៅបង្គន់។ ភូមិទំាង៧៥ ដែលបានប្រកាសថា មានទម្លាប់ហើយ ក្នុងការបន្ទោបង់ក្នុងបង្គន់ មាននៅខេត្តកំពង់ចាម និងស្វាយរៀង។ ពលរដ្ឋក្នុងភូមិទំាង៧៥នោះ បានប្រកាសកាលពីថ្ងៃទី ១៦កុម្ភៈថា ឈប់បន្ទោបង់ពាសវាលហើយ ក្នុងខណៈ ដែលការជំរុញឲ្យពលរដ្ឋ មានបង្គន់ប្រើប្រាស់ នៅក្នុងប្រទេសក្រីក្រកម្ពុជានេះ ត្រូវគេមើលឃើញថា ជារឿងលំបាកមួយ។