ទួកអន្តោប្រវេស្តន៍មួយគ្រឿងលិចនៅក្នុងសមុទ្រទុយនីស៊ី បណ្តាលឲ្យមនុស្សស្លាប់់ជាង៥០នាក់
ទូកដឹកជនអន្តោប្រវេស្តន៍មួយគ្រឿង បានលិចនៅសមុទ្រទុយនីស៊ីកាលពីយប់ថ្ងៃសៅរ៍ឆ្លងមកថ្ងៃអាទិត្យម្សិលមិញ។ ហេតុការណ៍នេះ បានបណ្តាលឲ្យមនុស្សស្លាប់យ៉ាងតិចជាង៥០នាក់។ សាកសពនៃជនរងគ្រោះ ត្រូវបាន គេស្រង់នៅតំបន់ភាគខាងត្បូងប្រទេសទុយនីស៊ី។ ទន្ទឹមនេះ ជនអន្តោប្រវេស្តន៍ចំនួន៦៨ នាក់ ត្រូវបានក្រុមសង្គ្រោះទុយនីស៊ី ជួយយកអាសារទាន់រួចផុតពីការស្លាប់។
ចុះផ្សាយនៅថ្ងៃ៖ កែប្រែថ្ងៃទី៖
យោងតាមការគូសបញ្ជាក់របស់ក្រសួងមហាផ្ទៃទុយនីស៊ី ទូកដឹកជនអន្តោប្រវេស្តន៍ ត្រូវបានគេរកឃើញនៅខណៈពេលដែលទូកនេះ ហៀបលិចកាលពីយប់ថ្ងៃសៅរ៍ឆ្លងមកថ្ងៃអាទិត្យម្សិលមិញនៅតំបន់ Sfax ឆេ្នរសមុទ្រទុយនីស៊ី។
ប្រតិបត្តិការជួយសង្គ្រោះ ត្រូវបានប្រព្រឹត្តទៅអស់រយៈពេញមួយថ្ងៃអាទិត្យម្សិលមិញ- នេះបើយោងតាមការគូសបញ្ជាក់របស់មេបញ្ជាការនៅមូលដ្ឋានកងទ័ពជើងទឹកដ៏សំខាន់របស់ទុយនីស៊ីលោក អនុសេនីយឯក Mohamed Salah Sagaama ប្រាប់ដល់វិទ្យុ RFIតាមរយៈទូរស័ព្ទ។
ក្រុមជនអន្តោប្រវេស្តន៍ដែលនៅរស់រានមានជីវិត បានថ្លែងរៀបរាប់ប្រាប់ថា ពួកគេទាំងអស់ដែលជិះនៅក្នុងទូកនេសាទនេះ មានគ្នាចំនួនពី១៧០ទៅ១៨០នាក់និងបានចេញដំណើរពីទីប្រជុំកោះទុយនីស៊ី Kerkennah។ ដូច្នេះ ជនបាត់ខ្លួន អាចមានជាង៦០នាក់-នេះជាការគូសបញ្ជាក់បន្ថែមរបស់ក្រុមជនអន្តោប្រវេស្តន៍ដែលរួចផុតពីការស្លាប់ដោយការលិចទូក។
ចំណែក កងម៉ារីននិងកងឆ្មាំសមុទ្រជាតិទុយនីស៊ីវិញ បានធ្វើប្រតិបត្តិការតាមស្វែងរកជនបាត់ខ្លួនយ៉ាងសកម្មតែក្តីសង្ឃឹមទាំងប៉ុន្មានត្រូវរលាយបាត់បង់ដោយសារតែពេលវេលាបានកន្លងផុតទៅដោយអសារឥតការ។
បើយោងតាមលោកអនុសេនីយឯកទុយនីស៊ីដដែល សាកសពដែលគេស្រង់បាន បានភាគច្រើនជាពួកយុវជនទុយនីស៊ី។ រីឯជន ចំនួន៦៨នាក់ដែលត្រូវបានគេជួយសង្គ្រោះទាន់ផុតពីការស្លាប់នោះ ៦០នាក់ សញ្ជាតិទុយនីស៊ី ក្រៅពីនោះ ជាជនអន្តោប្រវេស្តន៍មកពី ប្រទេស Maroc, Libye, Côte D’Ivoire Mali និងCameroun។
សូមបញ្ជាក់ថា ការស្វែងរុករកនៅក្នុងតំបន់លិចទូកអន្តោប្រវេស្តន៍ ត្រូវបានចាប់ប្រតិបត្តិការឡើងវិញនៅព្រឹកថ្ងៃចន្ទនេះទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ