តម្លៃប្រេងធ្លាក់ថ្លៃវិលមកដូចមុនពេលមានវិបត្តិនៅអារ៉ាប៊ីសាអូឌីត
ការវាយប្រហារលើទីតាំងប្រេងរបស់អារ៉ាប៊ីសាអូឌីត បានជំរុញឱ្យទីផ្សារប្រេងជ្រួលច្របល់ និងឡើងថ្លៃ គួរជាទីព្រួយបារម្ភ។ ប៉ុន្តែបីសប្តាហ៍ក្រោយ អ្វីៗហាក់ត្រលប់មករកភាពធម្មតាវិញ នៅល្ងាចមិញ ប្រេងមួយបារីស មានតម្លៃតែប្រមាណ៥៨ដុល្លារអាមេរិកតែប៉ុណ្ណោះ ? ហេតុអ្វីបានជាដូច្នេះ ? ភាបតានតឹងរវាងអារ៉ាប៊ីសាអូឌីតនិងអ៊ីរ៉ង់បានបញ្ចប់ឬយ៉ាងណា ?
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤២
តាំងពីជាច្រើនខែមក អារ៉ាប៊ីសាអូឌីត បានគ្រវីទង់ប្រកាស ថាភាពតានតឹងជាមួយអ៊ីរ៉ង់ អាចនឹងធ្វើឱ្យពិភពលោកជួបមហន្តរាយប្រេងដ៏ធ្ងន់ធ្ងរ តម្លៃអាចឡើងថ្លៃដល់ជាង១០០ដុល្លារក្នុងធុងបារីល។ ការវាយប្រហារលើទីតាំងប្រេងអារ៉ាប៊ីសាអូឌីត ដែលជាបេះដូងនៃម៉ាស៊ីនផលិតប្រេងពិភពលោក ជាទង្វើដ៏ធ្ងន់ធ្ងរដែលពុំធ្លាប់ប្រទះមែន។ ការនេះបានជំរុញឱ្យប្រេងឡើងថ្លៃយ៉ាងខ្លាំង ដល់ទៅ ជាង៧១ដុល្លារក្នុងមួយធុងបារីល។ ប៉ុន្តែនៅថ្ងៃម្សិលមិញ តាំងពីញូវយ៉កមកដល់អឺរ៉ុប ប្រេងឆៅបានធ្លាក់ថ្លៃ មកក្រោមតម្លៃមុនមានហេតុការណ៍វាយប្រហារលើទីតាំងប្រេងរបស់អារ៉ាប៊ីសាអូឌីត ថ្ងៃទី ១៤កញ្ញាទៀត។
មូលហេតុមកពី អារ៉ាប៊ីសាអូឌីត អាចធានាផ្គង់ផ្គង់ទីផ្សារប្រេងអន្តរជាតិបានដូចធម្មតា យ៉ាងលឿនឡើងវិញ ដែលអ្នកវិភាគគិតមិនដល់ និងជាពិសេសគឺបណ្តាលមកពីពិភពលោកខ្វល់ខ្វាយខ្លាំងជាងខ្លាចសង្គ្រាមពាណិជ្ជកម្មរវាងចិននិងអាមេរិកនឹងធ្វើឱ្យសេដ្ឋកិច្ចពិភពលោកដើរថយក្រោយ។ នាយកភ្នាក់ងារថាមពលអន្តរជាតិ បានប្រកាសដដែលៗ ក្នុងរយៈពេលប៉ុន្មានថ្ងៃចុងក្រោយនេះថា តម្រូវការផ្នែកប្រេង នៅឆ្នាំនេះ និងនៅឆ្នាំក្រោយនឹងធ្លាក់ចុះ។ ហានិភ័យមានដោយជាក់ស្តែងនិងអាចធ្ងន់ធ្ងរខ្លាំង មកពីខាងចិន ដែលធ្លាប់ជាអតិថិជនដ៏ធំ។ ហេតុផលចុងក្រោយ គឺអាមេរិកក៏បង្កើនការផលិតប្រេងដែរ។
ជាសរុប សេចក្តីត្រូវការផ្នែកថាមពលប្រេងនៅដដែល តែការផ្តល់បានកើនឡើង។ តម្លៃប្រេងនៅលើទីផ្សារលែងជ្រួលច្របល់នេះ មានលាក់ការពិតដ៏សំខាន់មួយ គឺបើតំបន់ឈូងសមុទ្ទបានស្ងប់ស្ងាត់ នោះតម្លៃប្រេងនឹងបន្តដាំក្បាលចុះ និងធ្លាក់ថ្លៃក្រោម៥០ដុល្លារទៅទៀតក្នុងមួយធុងបារីល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ