ទំនិញកាន់តែឡើងថ្លៃ ខណៈរដ្ឋាភិបាលប្រកាសកែទម្រង់
ចុះផ្សាយនៅថ្ងៃ៖
ស្តាប់ - ០៨:៤៥
ទាំងអាជីវករ និងពលរដ្ឋមួយចំនួនទីក្រុងភ្នំពេញ បានប្រតិកម្មចំពោះតំលៃទំនិញដែលនៅតែបន្តឡើងថ្លៃ។ ការឡើងថ្លៃនេះ បានធ្វើឱ្យប៉ះពាល់ដល់ការប្រកបមុខរបររស់អាជីវករលក់ដូរ និងអ្នកប្រើប្រាស់។ អាជីវករលក់ដូរមួយចំនួនបានអះអាងថា ទំនិញស្ទើរតែគ្រប់មុខទាំងអស់ មិនថាគ្រឿងបរិក្ខាប្រើប្រាស់ ឬគ្រឿងទេសសម្រាប់បរិភោគនោះទេ សុទ្ធតែឡើងថ្លៃ។ ការឡើងថ្លៃនេះ គឺបន្ទាប់ពីរដ្ឋាភិបាលបានប្រកាសកំណែទម្រង់ស្ថាប័នពន្ធគយ។ ពោលគឺលែងបណ្តោយឱ្យមានការរត់ពន្ធខុសច្បាប់ទៀតនោះហើយ។ នេះបើតាមការបញ្ជាក់របស់អ្នកវិភាគសេដ្ឋកិច្ចឯករាជ្យ។ អ្នកសេដ្ឋកិច្ចបានផ្តល់យោបល់រដ្ឋាភិបាល ពិតណាស់ត្រូវតែយកពន្ធ១០០% ប៉ុន្តែ ត្រូវទំលាក់អត្រាពន្ធ ជាពិសេសសម្រាប់គ្រឿងប្រើប្រាស់ឧបភោគបរិភោគ។