កីឡាអូឡាំពិករដូវត្រជាក់ លើកទី២២ ចាប់ផ្តើម នៅក្រុងរុស្ស៊ី Sochi
ចុះផ្សាយនៅថ្ងៃ៖
ស្តាប់ - ០៦:៣០
ក្រុងនេះ ដែលស្ថិតនៅមាត់សមុទ្រខ្មៅ តំបន់ភ្នំកូកាស ចម្ងាយប្រមាណ ១.៨០០គ.ម. ខាងត្បូង ពីរដ្ឋធានីម៉ូស្គូ ក្នុង១៦ថ្ងៃទៅមុខ នឹងក្លាយជា “ទីប្រជុំនៃបុណ្យកីឡាពិភពលោក” សម្រាប់គណៈប្រតិភូកីឡាមានគ្នាសរុបចំនួនជាង ៦.០០០នាក់ មកពី ៨៨ ប្រទេសក្នុងលោក និង ទស្សនិកជនបរទេសជាច្រើនម៉ឺននាក់ ដែលមកមើលការប្រកួតនៅនឹងកន្លែងផ្ទាល់។ ពិធីសម្ពោធ នឹងចាប់ផ្តើមថ្ងៃ៧កុម្ភៈនេះ នៅម៉ោង ២០-១៤នាទី ជាតួលេខ និមិត្តរូប សម្គាល់“កីឡាអូឡាំពិករដូវត្រជាក់-ឆ្នាំ២០១៤”។
នឹងវត្តមានមានមុខ ក្នុងពិធីសម្ពោធនេះ តាមការបង្ហើបឲ្យដឹងនៃក្រសួងការបរទេសដែលបានទទួលការបញ្ជាក់ទៅហើយ គឺប្រមុខរដ្ឋ ប្រមុខរដ្ឋាភិបាល ៤៤ប្រទេស មានជាអាទ៏ លោកប្រធានាធិបតីចិន ស៊ី ជិនភីង ដែលម្សិលមិញ បានអញ្ជើញមកដល់ ព្រមទាំងបានធ្វើជំនួបទ្វេភាគី ជាមួយសមភាគីរុស្ស៊ី លោកពូទីន ទៅផង។
គួរនិយាយថា ក្រោមរលកទិតៀនរុស្ស៊ី ដែលថាចេះតែរំលោភលើសិទ្ធិមនុស្ស បែបយ៉ាងតាមរយៈច្បាប់ហាមមិនឲ្យឃោសនាអំពីមនុស្សស្រឡាញ់ភេទដូចគ្នា ក៏ដូចជាក្រោមលេសថា អាជ្ញាធររុស្ស៊ីហាក់បី មិនអាចធានាសុវត្ថិភាព ដល់ការប្រព្រឹត្តនៃកីឡាអូឡាំពិកនេះ បានជាអ្នកដឹកនាំរដ្ឋខ្លះ បានប្រកាសធ្វើពហិការ មិនវត្តមានទេ នៅក្រុង Sochi។ ប៉ុន្តែ ថ្នាក់ដឹកនាំរុស្ស៊ី រមែងអះអាងថា សន្តិសុខក្នុងដំណើរប្រព្រឹត្តទៅ នៃល្បែងនេះ នឹងត្រូវធានាបាន១០០%។ ទាំងលោកប្រធាន “គណៈកម្មាធិការអូឡាំពិកអន្តរជាតិ”Tomas Bach ក៏សំដែងជំនឿជឿជាក់ លើសមត្ថភាពរុស្ស៊ី ខាងធានាសន្តិសុខនេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ