Les vivantes សៀវភៅដែលនិយាយពីការឈ្លោះប្រកែកជាមួយរាងកាយ ដើម្បីតស៊ូរស់
ចុះផ្សាយនៅថ្ងៃ៖
ស្តាប់ - ០៩:២៤
Les vivantes ដែលមានន័យជាភាសាខ្មែរថា អ្នកដែលនៅរស់រានមានជីវិត បោះពុម្ពផ្សាយដោយរោងពុម្ព Leo Scheerគឺជាស្នាដៃនិពន្ធរបស់លោកRichard Rechman វេជ្ជបណ្ឌិតផ្នែកចិត្តសាស្រ្តជនជាតិបារាំង។ លោក Richard Rechman ដែលជាអ្នកជំនាញចិត្តវិទ្យា និងជាប្រធានដឹកនាំការស្រាវជ្រាវនៅសាលាជាន់ខ្ពស់ផ្នែកវិទ្យាសាស្រ្តសង្គមក្នុងប្រទេសបារាំង មានតួនាទីផងដែរជាប្រធានសេវាព្យាបាល ជម្ងឺផ្លូវចិត្តក្នុងទីក្រុងប៉ារីស ដែលធ្លាប់ទទួលព្យាបាលជនភៀសខ្លួនខ្មែរក្នុងទសវត្សរ៍ឆ្នាំ១៩៩០។ បន្ទាប់ពីបានស្តាប់ និងសិក្សាលើប្រវត្តិរឿងរ៉ាវរបស់អ្នកជម្ងឺដែលភាគច្រើនរួចរស់ជីវិតពីរបបខ្មែរក្រហម លោក Richard Rechmanបានសម្រេចសរសេរនិពន្ធសៀវភៅ ដែលនិយាយពីជីវិតរបស់យុវតីខ្មែម្នាក់ចាប់ផ្តើមឈ្លោះ មិនទុកចិត្តរូបរាងកាយរបស់នាង។