ទិវានៃក្តីស្រឡាញ់៖ ព្រឹត្តិការណ៍សម្រក់ឈាមដើម្បីសង្គ្រោះជីវិតនៅកម្ពុជា
ចុះផ្សាយនៅថ្ងៃ៖
ស្តាប់ - ០៨:១១
ថ្ងៃនេះជាថ្ងៃទី១៤ ខែកុម្ភៈ ឆ្នាំ២០១៤។ នៅភ្នំពេញ យុវជនកម្ពុជាបានប្រារព្ធទិវានៃក្តីស្រឡាញ់ដោយការបង្ហូរឈាមស្រស់ ដែលគ្មានការឈឺចាប់ និងប្រកបដោយសេចក្តីសប្បាយរីករាយ។ វាជាការសម្រក់ឈាមដ៏ក្រហមឆ្អិនឆ្អៅ ដើម្បីសង្គ្រោះជីវិតមនុស្ស ដែលត្រូវការឈាមជារៀងរាល់ថ្ងៃ នៅតាមមន្ទីរពេទ្យនានា។ នៅក្នុងបរិវេណមន្ទីរពេទ្យព្រះអង្គឌួង មជ្ឈមណ្ឌលជាតិផ្តល់ឈាម សហការជាមួយអង្គការសុខភាពពិភពលោក និងអ្នកឧបត្ថម្ភផ្សេងៗទៀត រវល់ពេញមួយថ្ងៃ ក្នុងការប្រមូលឈាម ដែលផ្តល់ដោយសប្បុរសជនដ៏ច្រើនកុះករ។ លោកវេជ្ជបណ្ឌិត ហុក គឹមចេង ប្រធានមជ្ឈមណ្ឌលជាតិផ្តល់ឈាម បានប្រាប់ថា ថ្ងៃនេះប្រជាជនកម្ពុជា ភាគច្រើនជាយុវជន បានផ្តល់ឈាម៣៣៦បោ្លក។
