សង្គមស៊ីវិលមានជំនឿតិចតួចលើកំណែរទម្រង់ច្បាប់បោះឆ្នោតថ្មី ខណៈលទ្ធផលពិស្តាមិនទាន់ត្រូវបានបង្ហាញ
ចុះផ្សាយនៅថ្ងៃ៖
ស្តាប់ - ១១:១១
អង្គការសង្គមស៊ីវិលដែលធ្វើការលើការបោះឆ្នោតនៅកម្ពុជា កំពុងបន្តអង្កេតយ៉ាងយកចិត្តទុកដាក់ ទៅលើលទ្ធផលនៃសេចក្តីព្រាងវិសោធនកម្មច្បាប់ ស្តីពី ការបោះឆ្នោតជ្រើសតាំងតំណាងរាស្ត្រដែលភាគីគណបក្សប្រជាជនកម្ពុជា និងគណបក្សសង្គ្រោះជាតិ ទើបតែបានសម្រេចបញ្ចប់នូវរាល់បញ្ហាខ្វែងគំនិតគ្នាកាលពីថ្ងៃទី២៨ខែកុម្ភៈ។ ប៉ុន្តែទោះបីជាលទ្ធផលលំអិតនៃការខ្វែងគំនិតគ្នាទាំង១៥ចំណុច នៅមិនទាន់ត្រូវបានបង្ហាញដែលនាំអោយមានមន្ទិលសង្ស័យក្តី ក៍ក្រុមអង្គការសង្គមស៊ីវិល មិនទាន់មានជំនឿ១០០ភាគរយ លើច្បាប់ថ្មីស្តីពីការបោះឆ្នោតនេះទេ។ ចំណែកឯលោក សម រង្ស៊ី ប្រធានគណបក្សសង្គ្រោះជាតិ បានសរសេរនៅលើទំព័រFacebookរបស់លោកថា ការប្រជុំបញ្ចប់នូវរាល់បញ្ហាខ្វែងគំនិតគ្នា កាលពីថ្ងៃទី២៨កុម្ភៈ គឺជាជំហាននយោបាយចុងក្រោយ ឆ្ពោះទៅកាន់ការអនុម័តដោយរដ្ឋសភា ប៉ុន្តែគេត្រូវរងចាំសិក្ខាសាលាថ្នាក់ជាតិមួយទៀត៕