បទយកការណ៍
គូប្រជែងតំណែងចៅសង្កាត់បឹងកេងកងទី១ កណ្តាលភ្នំពេញថាថវិកាអភិវឌ្ឍន៍សង្កាត់នេះមិនលំបាកទេ
ចុះផ្សាយនៅថ្ងៃ៖
ស្តាប់ - ០៨:០៣
នៅកណ្តាលទីក្រុងភ្នំពេញ សង្កាត់បឹងកេងកងទី១ជាតំបន់កំពុងអភិវឌ្ឍន៍ខ្លំាង ជាតំបន់ស៊ីវិល័យ មានហាង ភោជនីយដ្ឋាន អគារខ្ពស់ៗ អ្នកទេសចរបរទេសព្រោងព្រាត។ សម្រាប់ការបោះឆ្នោតជ្រើសរើសចៅសង្កាត់នាពេលខាងមុខនេះ សង្កាត់បឹងកេងកងទី១ មានតែគណបក្សពីរប៉ុណ្ណោះ បានដាក់បេក្ខជនឈរឈ្មោះ គឺគណបក្សប្រជាជនកម្ពុជា និងគណបក្សសង្រ្គោះជាតិ។ បោះឆ្នោតបីលើកហើយ តំណែងចៅសង្កាត់បានទៅលើតែគណបក្សប្រជាជនកម្ពុជា។ អ្នកមិនទាន់ជាប់ឆ្នោតនិយាយថាដោយសារបឹងកេងកងទី១ មានសកម្មភាពពាណិជ្ជកម្មរស់រវើក ថវិកាអភិវឌ្ឍន៍មូលដ្ឋាននេះ មិនលំបាកទេ។