បទយកការណ៍
“វត្តមានអ្នកចូលរួមដង្ហែសពលោកបណ្ឌិត កែម ឡី លើកទឹកចិត្តឲ្យមានវីរជនស្នេហាជាតិច្រើនឡើង”
ចុះផ្សាយនៅថ្ងៃ៖
ស្តាប់ - ០៨:១២
ទីបំផុតទៅ សពរបស់លោកបណ្ឌិត កែម ឡី ត្រូវបានក្រុមគ្រួសាររៀបចំពិធីបញ្ចុះចប់សព្វគ្រប់ នៅព្រឹកថ្ងៃចន្ទ ទី២៥កក្កដានេះ។ ចាប់ពីពេលនេះទៅ រាងកាយអ្នកវិភាគនយោបាយ សង្គម ដ៏ល្បីល្បាញរូបនេះ នឹងមិនមាននៅលើលោកនេះទៀតទេ ប៉ុន្តែកេរ្តិ៍ឈ្មោះ និងមនសិការរបស់លោកទំនងនឹងមិនងាយរលាយពីដូងចិត្តពលរដ្ឋខ្មែរឡើយ។ វត្តមានប្រជាពលរដ្ឋរាប់ម៉ឺននាក់ ចូលរួមហែសពលោកបណ្ឌិត កែម ឡី កាលពីថ្ងៃអាទិត្យទី២៥កក្កដា ជាសញ្ញាបញ្ជាក់ថា ពលរដ្ឋខ្មែរគំាទ្រ ស្រឡាញ់ចំពោះបុគ្គល ដែលស្នេហាជាតិ។ អ្នកស្នេហាជាតិ ប្រាកដណាស់ នឹងទទួលបានការគោរព ការស្រឡាញ់ ពីចេញពីបេះដូងរបស់ពលរដ្ឋ។
