ទិដ្ឋភាពបោះឆ្នោតភូមា ជំរុញមេបក្សប្រឆាំងកម្ពុជាអំពាវនាវឲ្យមានការផ្ទេរអំណាចដោយសន្តិវិធីនៅឆ្នាំ២០១៨
ចុះផ្សាយនៅថ្ងៃ៖
ស្តាប់ - ១០:២០
ការបោះឆ្នោតនៅក្នុងប្រទេសភូមា កំពុងធ្វើឲ្យរំជើបរំជួលទាំងនៅក្នុងសង្គម និងឆាកនយោបាយកម្ពុជា។ អ្នកតាមដាននយោបាយ និងអ្នកនយោបាយខ្មែរផ្ទាល់តែម្តង បានជជែកគ្នាឥតឈប់ឈរ និងចាំអ៊ុតមើលលទ្ធផលផ្លូវការនៃការបោះឆ្នោតនោះ។ ដោយឡែក លោកសម រង្ស៊ី ប្រធានគណបក្សសង្រ្គោះជាតិ កាលពីម្សិលមិញបានអំពាវនាវឲ្យមានការផ្ទេរអំណាចដោយសន្តិវិធីនៅក្នុងការបោះឆ្នោតថ្នាក់ជាតិឆ្នាំ២០១៨។ ជាការបោះឆ្នោត ដែលលោកសម រង្ស៊ី តែងតែលើកឡើងជារឿយៗថា គណបក្សប្រឆាំងនឹងឈ្នះ។ អ្នកនាំពាក្យគណបក្សកាន់អំណាច បានចាត់ការលើកឡើងនេះថា គឺជាការស្រមើលស្រមៃ ហើយថា ការផ្ទេរអំណាច គឺធ្វើឡើងតាមច្បាប់។