បទសម្ភាស
លោក ឃុន ថារ៉ូ៖«កម្មករកាត់ដេរសឹងតែ១០០%បានជំពាក់បំណុលឥណទានយ៉ាងតិច១កន្លែង»
ចុះផ្សាយនៅថ្ងៃ៖
ស្តាប់ - ១១:២៧
នៅថ្ងៃអង្គារនេះ មជ្ឈមណ្ឌលសម្ព័ន្ធភាពការងារ (សង់ត្រាល់) សម្ព័ន្ធសហជីពកម្ពុជា និងសម្ព័ន្ធខ្មែរជំរឿន និងការពារសិទ្ធិមនុស្សលីកាដូ បានរួមគ្នាចេញរបាយការណ៍មួយដែលមានឈ្មោះថា «ធ្វើការរហូតជំពាក់បំណុលវ័ណ្ឌក»។ លោក ឃុន ថារ៉ូ អ្នកគ្រប់គ្រងកម្មវិធីនៃមជ្ឈមណ្ឌលសង់ត្រាល់ ថ្លែងថា ការសិក្សាលើស្ថានភាពបំណុលរបស់កម្មករនៅក្នុងអំឡុងពេលនៃការរាតត្បាតកូវីដ១៩នេះ គឺធ្វើឡើងតែចំពោះកម្មករដែលរោងចក្រកាត់ដេរសម្លៀកបំពាក់របស់ពួកគេធ្វើការ ត្រូវបានព្យួរ។ តាមលោក ឃុន ថារ៉ូ ក្នុងចំណោមកម្មករកាត់ដេរ ដែលក្រុមការងាររបស់លោកបានជួបសម្ភាសន៍ចំនួន១៦២នាក់ គឺមានតែ៤នាក់ប៉ុណ្ណោះ ដែលមិនបានជំពាក់បំណុលធនាគារ និងមីក្រូហិរញ្ញវត្ថុ។
