លោក ង៉ោ ម៉េងជ្រួន៖ ការបើកព្រំដែនប៉ោយប៉ែតគឺសម្រាប់តែអាជីវករខ្មែរដែលទៅយកទំនិញពីផ្សាររ៉ុងក្លឿ
ចុះផ្សាយនៅថ្ងៃ៖
ស្តាប់ - ០៩:២៥
អាជ្ញាធរខេត្តបន្ទាយមានជ័យ និងអាជ្ញាធរខេត្តស្រះកែវរបស់ថៃបានព្រៀមព្រៀងគ្នា បើកច្រកទ្វារព្រំដែនប៉ោយប៉ែត-ខ្លងលឹក នៅថ្ងៃទី១៥កក្កដា ខានស្អែកនេះ ដើម្បីឲ្យអាជីវករខ្មែរអាចចូលទៅដឹកទំនិញចេញពីផ្សាររ៉ុងក្លឿ បន្ទាប់ពីជាប់គាំងនៅទីនោះតាំងពីពាក់កណ្តាលខែមីនាមកដោយសារតែជំងឺកូវីដ១៩។ ប៉ុន្តែលោក ង៉ោ ម៉េងជ្រួន អភិបាលរងខេត្តបន្ទាយមានជ័យ បានគូសបញ្ជាក់ថា ការបើកច្រកព្រំដែននេះមិនមែនសម្រាប់ឲ្យពលរដ្ឋជាទូទៅធ្វើដំណើរទេ ពោលគឺសម្រាប់តែអាជីវករខ្មែរដែលត្រូវទៅយកទំនិញចេញពីផ្សាររ៉ុងក្លឿតែប៉ុណ្ណោះ។ តែលោកថា ភាគីទាំងពីរក៏មានគម្រោងបើកព្រំដែនឡើងវិញ នៅច្រកម៉ាល័យ និងច្រកបឹងត្រកួន ក្នុងលក្ខខណ្ឌដូចគ្នានេះផងដែរ។