លោក ឯក សុវណ្ណា៖ការស្លាប់របស់សកម្មជនព្រៃឡង់ថ្ងៃទី១៦កក្កដានៅមានភាពមន្ទិលសង្ស័យ
ចុះផ្សាយនៅថ្ងៃ៖
ស្តាប់ - ១១:០៨
សកម្មជនការពារព្រៃឡង់ម្នាក់ ឈ្មោះ សែន សទ្ធា បានស្លាប់ កាលពីទី១៦ ខែកក្កដាឆ្នាំ២០២០ ខណៈសកម្មជនបរិស្ថានរូបនេះ បានចុះទៅអង្កេតបទល្មើសព្រៃឈើ ក្នុងឃុំកំពង់ចាម ស្រុកសំបូរ ជាប់ព្រៃឡង់ ខេត្តក្រចេះ។ របាយការណ៍របស់សមត្ថកិច្ចអះអាងថា លោក សែន សទ្ធា បានស្លាប់ដោយសារដួលម៉ូតូ និងមានស្ថានភាពស្រវឹងស្រា។ តែសកម្មជនបរិស្ថានម្នាក់ទៀត ដែលនៅជាមួយជនរងគ្រោះ អះអាងថា មុនពេលហេតុការណ៍កើតឡើង សកម្មជនបរិស្ថានរូបនោះ បានរងការគំរាមពីក្រុមហ៊ុនអារឈើនៅតំបន់នោះឲ្យចាកចេញជាបន្ទាន់។ ដូច្នេះលោក ឯក សុវណ្ណា ជាគណៈកម្មការសម្របសម្រួលបណ្តាញសហគមន៍ព្រៃឡង់ ស្នើឲ្យស្វែងរកការពិត ចំពោះការស្លាប់របស់ លោក សែន សទ្ធា ជាដៃគូការពារព្រៃឡង់។
