លោក វង់ សុធារ៉ា៖ យើងសរសេរសៀវភៅប្រវត្តិសាស្ត្រមួយ ដោយមិនទទួលឥទ្ធិពលនយោបាយឡើយ
ចុះផ្សាយនៅថ្ងៃ៖
ស្តាប់ - ១៣:២៣
រាជបណ្ឌិតសភាកម្ពុជា កំពុងប្រមូលផ្តុំអ្នកស្រាវជ្រាវប្រវត្តិសាស្ត្រកម្ពុជា ដើម្បីឈានទៅចងក្រងជាក្រុមក្នុងគោលបំណងដើម្បីសរសេរសៀវភៅប្រវត្តិសាស្ត្ររបស់កម្ពុជា។ អ្នកប្រវត្តិសាស្ត្រកម្ពុជាដែលមានគ្នាជាង២០នាក់ និងជាក្បាលម៉ាស៊ីននៃក្រុមការងារនេះ បានជួបប្រជុំគ្នា កាលពីថ្ងៃទី ២៨ កក្កដា បានបែងចែកគ្នាជា៥ក្រុម អោយទទួលខុសត្រូវក្នុងការស្រាវជ្រាវប្រវត្តិសាស្ត្រកម្ពុជា នៅក្នុងដំណាក់កាលធំៗចំនួន៥។ លោកបណ្ឌិត វង់ សុធារ៉ា សាស្ត្រាចារ្យផ្នែកសិលាចារឹកនិងប្រវត្តិសាស្ត្រខ្មែរ-អាស៊ីអាគ្នេយ៍ ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅរាត្រីនេះ បានថ្លែងថា យើងត្រូវសរសេរសៀវភៅប្រវត្តិសាស្ត្រមួយ ដោយមិនទទួលឥទ្ធិពលនយោបាយពីភាគីណាមួយនោះឡើយ។
