លោកស្រី កុយ ពិសី៖ ផែនទីខ្នាត១លើ២៥ពាន់ មិនមែនគូសដោយវៀតណាមទេ គឺគូសដោយភាគីទាំងពីរ
ចុះផ្សាយនៅថ្ងៃ៖
ស្តាប់ - ១២:៣៨
ឆ្លើយតបទៅនឹងអ្នករិះគន់ពីបញ្ហាព្រំដែនថា ផែនទីថ្មីខ្នាត១លើ២៥ពាន់ គឺគូសដោយវៀតណាម ហើយថាជាផែនទីសម្ងាត់នោះ លោកស្រី កុយ ពិសី អនុប្រធានលេខាធិការដ្ឋានអចិន្ត្រៃយ៍គណៈកម្មការធិការជាតិទទួលបន្ទុកព្រំដែនកម្ពុជា បានទាត់ចោលការអះអាងនេះ។ លោកស្រីបញ្ជាក់ថា នេះមិនមែនជាផែនទីថ្មីទេ គឺជាផែនទីដែលផលិតថ្មីតាមសម័យទំនើបឌីជីថល ៤.0 ដែលបានធ្វើជាយូរមកហើយ និងបោះពុម្ពដោយប្រទេសដាណឺម៉ាក។ មន្ត្រីជាន់ខ្ពស់កិច្ចការព្រំដែនដដែល អះអាងថាផែនទីខ្នាត១លើ២៥ពាន់នេះបង្ហាញច្បាស់លាស់ពីខ្សែព្រំដែន បង្គោលព្រំដែន រួមនិងស្ថានភាពភូមិសាស្រ្តនៅ លើដីជាក់ស្តែង ងាយស្រួលក្នុងការប្រើប្រាស់ មិនដូចផែនទីបោនខ្នាត ១/១00 ០០០ នោះទេ។