លោក សួង សុភ័ណ្ឌ៖ លោក រ៉ុង ឈុន គួរទទួលបានមេដាយមាសពីរដ្ឋាភិបាល ជាជាងការចាប់ខ្លួន
ចុះផ្សាយនៅថ្ងៃ៖
ស្តាប់ - ១១:៣៧
នៅថ្ងៃទី ១០ សីហា ស្អែកនេះ លោក សួង សុភ័ណ្ឌ ប្រធានគណបក្សខ្មែរឈ្នះ នឹងដឹកនាំក្រុមអ្នកច្បាប់របស់គណបក្ស ធ្វើដំណើរពីភ្នំពេញឆ្ពោះទៅកាន់ខេត្តត្បូងឃ្មុំ ដើម្បីពិនិត្យមើលព្រំដែននិងស្វែងរកការពិត ក្រោយការចាប់ខ្លួនលោក រ៉ុង ឈុន ក្នុងសំណុំរឿងថ្លែងការណ៍ពីបញ្ហាព្រំដែន។ លោក សួង សុភ័ណ្ឌ ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះបានថ្លែងថា ក្រោយស្វែងរកការពិតរួចហើយ គណបក្សលោក គ្រោងនឹងចេញសេចក្តីថ្លែងការណ៍មួយ ជុំវិញបញ្ហាព្រំដែន។ សម្រាប់ លោក សួង សុភ័ណ្ឌ រដ្ឋាភិបាលកម្ពុជាមិនគួរចាប់ខ្លួនលោក រ៉ុង ឈុន ដែលក្លាហាន ហ៊ាននិយាយការពិតពីរឿងព្រំដែននោះទេ។ ផ្ទុយទៅវិញ រដ្ឋាភិបាល គួរតែផ្តល់មេដាយមាសឲ្យលោក រ៉ុង ឈុន វិញ។
