តើការចុះដោះស្រាយបញ្ហាព្រំដែននៅនឹងកន្លែងអាចបិទបញ្ចប់ការខ្វែងគំនិតគ្នារវាងខ្មែរនិងខ្មែរបានទេ?
ចុះផ្សាយនៅថ្ងៃ៖
ស្តាប់ - ១២:០០
នៅក្នុងកិច្ចប្រជុំប្រចាំឆមាសទី៤ នៃឧត្តមក្រុមប្រឹក្សាពិគ្រោះនិងផ្តល់យោបល់ កាលពីម្សិលមិញលោក ហ៊ុន សែន បានដាក់ចេញបទបញ្ជាថ្មី ក្នុងការចុះទៅត្រួតពិនិត្យ និងដោះស្រាយបញ្ហាព្រំដែន នៅនឹងកន្លែង ។ ក្នុងន័យនេះគឺមន្ត្រីជំនាញកិច្ចការព្រំដែន នឹងចុះទៅពិនិត្យ និងដោះស្រាយរាល់ការលើកឡើងរបស់ពលរដ្ឋរស់នៅខេត្តជាប់ព្រំដែនជុំវិញការបាត់បង់ដីទៅឲ្យប្រទេសជិតខាង។ ជាមួយគ្នានេះ អ្នកនយោបាយ និងអ្នកតាមដានមួយចំនួនសាទរចំពោះយន្តការចុះដោះស្រាយបញ្ហាព្រំដែននៅនឹងកន្លែង។ហើយពួកគេមានសុទិដ្ឋិនិយមថា មួយផ្នែកនៃយន្តការថ្មីនេះ អាចបិទបញ្ចប់ភាពចម្រូងចម្រាសលើសំណុំរឿងព្រំដែនរវាងខ្មែរគ្នាឯង។
