លោក ហ៊ុន សែន បន្ទោសទូតបរទេសថាជាអ្នករួមចំណែកដាក់ទោស(លោក កឹម សុខា)តាមរយៈជំនួប
នៅក្នុងពិធីចែកសញ្ញាបត្រដល់និស្សិតសកលវិទ្យាល័យបៀលប្រាយនៅព្រឹកថ្ងៃព្រហស្សតិ៍នេះ លោកនាយករដ្ឋមន្ត្រី ហ៊ុន សែន បានស្តីបន្ទោសអ្នកការទូតលោកខាងលិចនានា ដែលតែងតែជួបសួរសុខទុក្ខលោក កឹម សុខា នាពេលកន្លងទៅ។ លោកថាសកម្មភាពរបស់ទូតនានា គឺជាការជ្រែតជ្រែកកម្ពុជា តាមរយៈការជួបញឹកញាប់ជាមួយអ្នកដែលទើបតែតុលាការកាត់ទោស ដែលគេគិតថាជាលោក កឹម សុខា ប្រធានអតីតគណបក្សសង្គ្រោះជាតិ។ តាមលោកនាយករដ្ឋមន្ត្រី ជំនួបញឹកញាប់រវាងអ្នកការទូតនានាជួយលោក កឹម សុខា បានបង្កើតការមិនទុកចិត្ត និងមិនអាចលើកដៃចុះហត្ថលេខាស្នើលើកលែងទោសឲ្យបាន។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោកនាយករដ្ឋមន្ត្រី ហ៊ុន សែន៖
សូមបញ្ជាក់ថាមេដឹកនាំបក្សប្រឆាំងលោក កឹម សុខា ត្រូវបានសាលាដំបូងរាជធានីភ្នំពេញផ្តន្ទាទោសកាលពីថ្ងៃទី០៣ ខែមីនា កន្លងទៅថ្មីៗនេះឲ្យជាប់ពន្ធនាគារ ២៧ឆ្នាំ ពីបទសន្ទិដ្ឋិភាពជាមួយរដ្ឋបរទេស ព្រមទាំងដកហូតសិទ្ធិពលរដ្ឋ និងសិទ្ធនយោបាយផងដែរ។ ការដាក់ទោសដល់លោក កឹម សុខា ដូច្នេះត្រូវអ្នកតាមដាននយោបាយយល់ឃើញថា អាចនឹងមានការសម្របសម្រួលណាមួយតាមផ្លូវនយោបាយ ដូចអ្វីដែលបានកើតឡើងកន្លងមកនៅក្នុងនយោបាយកម្ពុជា។ ក៏ប៉ុន្តែពេលនេះលោកនាយករដ្ឋមន្ត្រី បានចេញមកបញ្ជាក់ជាសាធារណៈថាលោកមិនអាចស្នើសុំលើកលែងទោសឲ្យ(លោក កឹម សុខា) បានទេ ដោយសារមានការជ្រៀតជ្រែកអំឡុងពេលតុលាការកំពុងអនុវត្តនីតិវិធីកន្លងទៅ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ