តើព្រឹត្តិការណ៍នៅបេឡារុស នឹងវិវឌ្ឍយ៉ាងណា ក្រោយពី ឱសានវាទមេប្រឆាំង នឹងផុតនៅថ្ងៃ ២៥ តុលា?
ចុះផ្សាយនៅថ្ងៃ៖
ស្តាប់ - ០៦:៣៣
មេប្រឆាំងបេឡារុស លោកស្រី Svetlana Tikhanovskaya បានប្រកាសឱសានុវាទទាមទារ លោកប្រធានាធិបតីបេឡារុស Akexandre Loukachenko ឲ្យចុះចេញពីតំណែង ត្រឹមថ្ងៃ ទី២៥តុលា ជាកំហិត។ លោកស្រីប្រកាសយ៉ាងនេះ គឺធ្វើឡើងថ្ងៃចន្ទ ទី១២តុលា នៅលីទុយអានី ជាទីដែលលោកស្រីកំពុងជ្រកកោន។
អ្នកនយោបាយស្រីប្រឆាំងរូបនេះ បានទាមទារ ចំពោះ នគរបាល និង កងរក្សាសណ្តាប់ធ្នាប់នៃក្រសួងមហាផ្ទៃ ឲ្យឈប់បំពេញតាម”បទបញ្ជាឧក្រិដ្ឋ” ហើយ ឆ្លងទៅនៅខាងប្រជាជន ដោយសន្យាលើកលែងទោសគេ ចំពោះអំពើហិង្សាអចេតនា ប្រព្រឹត្តទល់នឹងក្រុមបាតុករស្លូតបូត។ ចំពោះ កម្មករណាដែលបះបោរ ឈប់ធ្វើការនៅតាមរោងចក្រ លោកស្រីបានធានាផ្តល់ប្រាក់ឧបត្ថម្ភ រំលែកចេញពី មូលនិធិសាមគ្គីបេឡារុស ក្រោមឈ្មោះថា” BySol”។
រុស្ស៊ី ដែលជាប់ក្នុង សម្ព័ន្ធជាមួយបេឡារុស ពីចំណែកខ្លួន នៅចាំអ៊ុតមើល តើស្ថានការណ៍នៅទីនោះ នឹងវិវឌ្ឍ យ៉ាងណា ក្រោយថ្ងៃ២៥ តុលា ជាថ្ងៃចុងក្រោយនៃ ឱសានុវាទ។
សូមស្តាប់បទអធិប្បាយរបស់ កែវ ឆាយា ពីក្រុងម៉ូស្កូ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ