បទយកការណ៍
អ្នកស្រី មុត ចរិយា ប្រែវិបត្តិទៅជាឱកាសនាំឲ្យគេស្គាល់រសជាតិចន្ទីស្ទឹងត្រែង
ចុះផ្សាយនៅថ្ងៃ៖
ធ្លាប់ជាអ្នកផ្គត់ផ្គង់បន្លែត្រីសាច់នៅតាមសណ្ឋាគារនិងភោជនីយដ្ឋាន ក្នុងខេត្តសៀមរាប អ្នកស្រី មុត ចរិយា ងាកមកបង្កើតសិប្បកម្មកែច្នៃគ្រាប់ស្វាយចន្ទីប្រចាំខេត្តស្ទឹងត្រែងគ្រាហ៊ុំព័ទ្ធដោយកូវីដ១៩ ក្នុងឆ្នាំ២០២០។ ជាអ្នកខេត្តស្ទឹងត្រែងស្រាប់សិប្បកម្មកែច្នៃគ្រាប់ស្វាយចន្ទីរបស់ អ្នកស្រី មុត ចរិយា ស្ថិតនៅលើផ្ទៃដីទំហំ៥ហិកតា ក្នុងនោះ៣ហិកតាជាផ្ទៃដីដាំដុះចន្ទី។ ប្រាប់ដោយមិនលាក់លាម អ្នកស្រី មុត ចរិយា អះអាងថា សិប្បកម្មនេះកកើតឡើងដោយការលះបង់ទ្រព្យសម្បត្តិក្នុងផ្ទះ។ ក្រៅពីជោគជ័យសម្រាប់ខ្លួនឯងស្ត្រីអ្នកជំនួញរូបនេះក៏មិនភ្លេចមនុស្សជុំខ្លួនដែលជួយគាត់ឲ្យដើរចំណុចនេះ។ ជាក់ស្ដែងសិប្បកម្មកែច្នៃគ្រាប់ស្វាយចន្ទីស្ទឹងត្រែងរបស់អ្នកស្រីមានបុគ្គលិកសរុប៤៥នាក់និងផ្ដល់ឱកាសការងារដល់ជនងាយរងគ្រោះ។
