បទសម្ភាស
លោក រ៉ុង ឈុន៖ ការប្រកាសជំហរនយោបាយរបស់ខ្ញុំ គឺជាលក្ខណៈបុគ្គល មិនពាក់ព័ន្ធនឹងភ្លើងទៀនឡើយ
ចុះផ្សាយនៅថ្ងៃ៖
ស្តាប់ - ០៧:១៦
លោក រ៉ុង ឈុន ដែលជាអនុប្រធានគណបក្សភ្លើងទៀន នឹងមានការរៀបចំសន្និសីទព័ត៌មានមួយ នៅថ្ងៃទី៩វិច្ឆិកា ដើម្បីបញ្ជាក់ពីជំហរនយោបាយចុងក្រោយ ដែលគណបក្សភ្លើងទៀន មិនត្រូវបានក្រសួងមហាផ្ទៃចេញឯកសារចុះបញ្ជីច្បាប់ដើម ដើម្បីចូលរួមការបោះឆ្នោត។ នៅក្នុងបទសម្ភាសជាមួយវិទ្យុបារាំងអន្តរជាតិ លោក រ៉ុង ឈុន បានអះអាងថា ការប្រកាសជំហរនយោបាយនៅថ្ងៃស្អែកនេះ គឺជាជំហរនយោបាយរូបលោកផ្ទាល់ ដោយមិនពាក់ព័ន្ធនឹងគណបក្សភ្លើងទៀនឡើយ។ តាមលោក រ៉ុង ឈុន នៅថ្ងៃស្អែកនេះ លោកនឹងបញ្ជាក់ថា តើលោកនឹងបន្តផ្លូវនយោបាយជាមួយគណបក្សភ្លើងទៀន ឬក៏នឹងត្រូវចាកចេញ ខណៈដែលមន្ត្រីជាន់ខ្ពស់គណបក្សប្រឆាំងមួយនេះ មួយចំនួន កំពុងបន្តដើរចេញ និងទៅចូលរួមជាមួយគណបក្សកម្លាំងជាតិ ដែលជាគណបក្សទើបបង្កើតថ្មី។
