សង្គមស៊ីវិល៖ការកាត់ទោសលោករ៉ុង ឈុន ឱ្យជាប់គុក២ឆ្នាំ ជារឿងអយុត្តិធម៌ និងជាសញ្ញានៃការបិទសិទ្ធិ សេរីភាព
ចុះផ្សាយនៅថ្ងៃ៖
ស្តាប់ - ១០:២០
ម្សិលមិញ លោករ៉ុង ឈុន ត្រូវបានតុលាការក្រុងភ្នំពេញសម្រេចផ្តន្ទាទោសជាប់ពន្ធនាគារ២ឆ្នាំ និងពិន័យជាទឹកប្រាក់ចំនួន២លានរៀល។ ជាមួយគ្នានេះ តុលាការក៏បានកាត់ទោសលើសកម្មជន២នាក់ទៀតឱ្យជាប់ពន្ធនាគារម្នាក់២០ខែ និងពិន័យទឹកប្រាក់២លានរៀលដូចគ្នា ក្រោមបទចោទ«ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ មិនតែប៉ុណ្ណោះ អ្នកទាំង៣ក៏ត្រូវបានតុលាការបង្គាប់ឱ្យរួមគ្នាសងជំងឺចិត្តទៅគណៈកម្មាធិការកិច្ចព្រំដែនកម្ពុជាចំនួន៤០០លានរៀល ឬប្រហាក់ប្រហែល១០ម៉ឺនដុល្លារថែមទៀត។ មេធាវី និងអង្គការសង្គមស៊ីវិលដែលតាមដានយ៉ាងដិតដល់លើសំណុំរឿងនេះបានសម្តែងការមិនពេញចិត្ត ដោយអះអាងថា វាជារឿងអយុត្តិធម៌សម្រាប់ពួកគេ និងជាសញ្ញានៃបំបិទសិទ្ធិ សេរីភាពអ្នកដែលហ៊ាននិយាយ។ ប៉ុន្តែ ក្រសួងយុត្តិធម៌កម្ពុជាបដិសេធថា វា គឺជាការអនុវត្តច្បាប់ មិនមែនជាបំបិទសិទ្ធិ សេរីភាពអ្វីនោះទេ។
