អ្នកវិភាគ៖ច្រកចេញរបស់លោកកឹម សុខា និងលោកសម រង្ស៊ី អាស្រ័យលើការជួយសម្របសម្រួលពីបរទេស
ចុះផ្សាយនៅថ្ងៃ៖
ស្តាប់ - ១១:២៥
ពេលវេលាចេះតែរំកិលទៅមុខ ឯសំណុំរឿងសន្ទិដ្ឋិភាពរបស់លោកកឹម សុខា នៅសាលាដំបូងរាជធានីភ្នំពេញនៅតែជាប់គាំងដដែលគិតមកដល់ពេលនេះ។ ប្រសិនបើសំណុំរឿងនេះនៅតែបន្តជាប់គាំងទៅមុខទៀតដោយមិនកំណត់ច្បាស់លាស់បែបនេះ មានការបារម្ភថា លោកកឹម សុខា ប្រហែលជាមិនអាចនឹងបានចូលរួមនៅក្នុងការបោះឆ្នោតឃុំ សង្កាត់នៅក្នុងឆ្នាំ២០២២បានដូចដែលលោកបានប៉ងប្រាថ្នានោះទេ។ អ្នកវិភាគនយោបាយនៅកម្ពុជាមើលឃើញថា បើសិនលោកកឹម សុខា ហ៊ានប្រកាសពីការបែកបាក់ជាមួយលោកសម រង្ស៊ី នោះ គឺរូបលោកអាចនឹងធ្វើនយោបាយបានឡើងវិញ។ ប៉ុន្តែអ្នកវិភាគខ្លះទៀតយល់ថា នៅពេលខាងមុខនេះ នឹងមានការចរចាសម្របសម្រួលនយោបាយរវាងអ្នកនយោបាយបក្សប្រឆាំង និងកាន់អំណាចក្រោមការជំរុញ និងដាក់គំនាបពីសំណាក់ប្រទេសប្រជាធិបតេយ្យធំៗ។