តើការដោះលែងរថយន្តដឹកលើសទំងន់ជាការលើកទឹកចិត្តឲ្យបន្តលើ្មសច្បាប់បន្ថែមទៀតឬ?
ចុះផ្សាយនៅថ្ងៃ៖
ស្តាប់ - ១១:៣៥
លោកនាយករដ្ឋមន្ត្រី ហ៊ុន សែន កាលពីថ្ងៃព្រហស្បតិ៍ម្សិលមិញ បានសម្រេចដោះលែងរថយន្តដឹកជញ្ជូនលើសទំងន់ចំនួនជាង២០០គ្រឿង ដែលក្រសួងសាធារណៈការចាប់ឃាត់ទុកជាបន្តបន្ទាប់កន្លងមក។ ការដោះលែងនេះ ដោយយោងទៅលើការស្ដារសេដ្ឋកិច្ចជាតិឡើងវិញ ជាពិសេសការគាំទ្រដល់ការរស់ឡើងវិញនៃវិស័យឯកជន និងជាការលើកលែងបន្ធូរបន្ថយ និងផ្ដល់ឱកាសសារជាថ្មីនៅក្នុងឱកាសបុណ្យភ្ជុំបិណ្ឌប្រពៃណីជាតិខ្មែរខាងមុខនេះ។ ក៏ប៉ុន្តែរថយន្តទាំងអស់នោះ ចាំបាច់ត្រូវបង់ប្រាក់ពិន័យតាមច្បាប់កំណត់ជាមុនទើបអាចយករថយន្តចេញបាន។ ជាមួយគ្នានេះ លោក ហ៊ុន សែន ក៏បានលើកទឹកចិត្តឲ្យក្រសួងសាធារណការ និងដឹកជញ្ជូន ត្រូវតែបន្តអនុវត្តយ៉ាងតឹងរ៉ឹងចំពោះយានយន្តដឹកជញ្ជូនលើសទម្ងន់កម្រិតកំណត់ដោយច្បាប់ ដោយមិនមានការលើកលែងជាលើកទី២ ទៀតទេ។
